Takamoyung 2:4 - Fanawbuid tagsibaliwas Fakayabian

⁴ Nafakamulun kwan nusnge wain at madulo. Ay nafawat au ngay bale ay nafatanum kya sik ngay wat ubas.

Takamoyung 2:4 ပူးပေါင်းရင်းမြစ်များ

2 Samwel 18:18

Gina Absalum gleleg yay, kanya nafalindug sik turuk daul sis Fun at Datag, laman tibak taw gamatang tua anya, aroro kanya we sisian mangama at namataglayun at ngayan nu kadungug. Kafag turuk nafangayan te, “Absalum at famamatang,” ay dasug katsi katanya yay gugat at ngayan.

1 Fun 15:19

Ay Asa nalong anya te, “Kaylat au nangawat sik nasadian sa emu, kata ta mesa mama at nawat. Nafabuba au emu sik famonun sanbung salapi ay gintu. Fai yud e masuad ya am nasadian Baasa, Israel at fun, laman glao ro siginan ku talun.”

1 Fun 9:1

Ay Sulumun nafatabu wan nu gfawat at bale ay anggan Yawi at bale, ay nafatabu wan kata at algan at fagnamawatun.

1 Krunika 27:27

Ay Simei tagsiginans furuan Rama tagfangguna sis fun at ngay tanuman wat ubas. Ay Sabdi tagsiginans furuan Sefan tagfangguna fun at ngay famaloun fag ngay rawvg ubas ay ngay fanlangu.

2 Krunika 26:10

Ay anggan sis talun at yud e taw, kanya nafawat yangay ngay bale ngabat ay nafaali ngay bubun laman fagfungsuan mamam, aroro ngayu at ngay fagbaugun sa sangay buksul tagsibaliwas fakayabian, ay tagsi sangay datag. Kanya e ngay fagsuguan laman galaga at gamasun, at ngay tanum ubas, tagsi sangay buksul ay tagsisad datag, aroro kanya kaylat gfananumun.

2 Krunika 8:11

Nu ntabu wan Sulumun at nafawat fag bale laman sat bubay, Igiptu at fun at baguina, kanya nafalin anya sanya fag bale siginans Dabid at furuan. Aroro kanya nalong te, “Ku mangena wa masine gbanwan sis fun Dabid at bale, aroro kanya fag bale we malong, ay ebi ataw sanya Fagsuadan Yawi at Nasadian.”

Alubad. 49:11

Kabavn ban kanya fagayu gbanwan sis fagfolian, dewa yay e fagagbilugun talun.

Sulumun at Alubad 1:14

Ku fakesugun fag baguama kata sik barugwak at magamut sis wa tanuman wat ubas, sis talun En-Gedi.

Sulumun at Alubad 7:12

Ay kafulo ban ta mayabas laman nanlag ta te, o tanuman ubas gbarugwak wan, ay o anrafad wan. Ay sanya ban nu namasaful au emu te, kesug au emu.

Isayas 5:1

Nangalubad au sik alubad laman sa ku fakesugun, sabaliwa at tanuman wat ubas: Ku fakesugun e tanuman wat ubas si sik buksul sit masine fag daga.

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”