Takamoyung 2:24 - Fanawbuid tagsibaliwas Fakayabian

²⁴ At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 2:24 ပူးပေါင်းရင်းမြစ်များ

1 Fun 4:20

Ngay taw Uda ay ngay taw Israel kayu lagnas tagsis tigyangan dagat. Ngayu at fakonun ay at fanginum, ay kanya fagayu guseganan.

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Takamoyung 2:10

Fagayu at maylat sa angku anfasludan wa fia. Guseganan au ku bulan sas fagayu ku nainlufuyan. Ay fagayu ku nagwantan katanya at famonun sa angku.

Takamoyung 2:25

Ay setain ro nu e fagfangonun tam ay nu gfae masuad tam tam ngay nainlufuyan, Dius way gfon antam?

Takamoyung 2:3

Ay nafaskud kwan taguseganan ginum fanlangu. Dewa au e fagsafulun, nafakamulun au kata yud e fagsafulun, aroro namatangan au te, katanya tua siring ngay taw at fakamulun at masine dewa yud ngaduge at leleg ste swa daga.

Takamoyung 3:22

Nu katanya, namatangan au te, at masine taw at fakamulun useganani yakman lang sat ngay nainlufuyan, aroro kanya at fagagbilugun wan. Nusnga sinu fag taw we malong te, nataw ban takadasug nu nbul wan.

Takamoyung 5:17

Kaduge tam gleleg ngayu tam fagidapun, fagmauriun, fakasaitun ay tam fakauriun.

Takamoyung 6:12

We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Takamoyung 6:2

Dius nafon sa tibak taw at ngay fakaylatun at fakatogdungugun, ngay fagagbilugun ay ngay ramraman. Dewa katanya, Dius wa naylat kafag ngay taw nu gagbilug takatanya fagayu, abat ngate, tiba way ktaw at nagbilug takatanya fagayu. Takatanya wa masine ay we masuad.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Fakamulun 14:17

Dewa katanya, Dius nafalag tua sa ayu te, kanya si wa gugat ayu siginan at ngay fakamulun at masine. Dius nafadasug sa ayu arak ay faggutluun sit kasakan fag buknga, laman e fakonun tuam ay guseganan.”

1 Kurintu 15:32

Ku fawayan ste sis furuan Efesu kata sik ngay idu talun tagfangagat, ay we tungkul nu gfawayan au nu sa ways taw at leleg katsi. Nu matuyan way ro te, Dius ban wa gfadog ya gfaleleg at ngay kinbul, at masine, “Gfangon yakman lang tam ay ginum, aroro balabag ban manga kabul watam.”

Deuterunumyu 12:12

Ay nu nanguseganan ban am sa tuam ay Dius Yawi at daga salubangan, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, at yud e afud daga.

Deuterunumyu 12:18

Nu kon ban am takatanya fagayu sa tua ban am ay Dius Yawi at daga salubangan si ban at nafili fag afud talun, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, sanyai yangay ban nu namauseganan am ay Dius Yawi sis fagayu ay fakamulun.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.