Takamoyung 2:22 - Fanawbuid tagsibaliwas Fakayabian

²² Nu katanya, nataw nunda ngay taw at fagmabulun nu gfakamulun gugat stes fagdaul daga?

Takamoyung 2:22 ပူးပေါင်းရင်းမြစ်များ

Alubad. 127:2

Yawi way tagfalganan fakonun sat fakesugun fag ngay taw, dewa kanya fagayu gtiug. Nu katanya, we tungkul at mayabas nu kafulo, ay at mayabi wan nu nantiug laman grvbvy at fakonun.

Fangatulun 16:26

Fanlunus tagfamatangan taw laman gfakamulun tua.

Takamoyung 1:3

Nataw ban at masuad taw at nainlufuyan kaduge gfakamulun ste swa daga?

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 3:9

Ay Dius nu nafalganan wan kafag ngay buknga, nataw ya ban at masuad taw at faginkidapanun yay gfakamulun?

Takamoyung 4:6

Amasine yap fakonun dewa way sik galumut nu manabayan tua, abat ngate ngayuk fakonun ay maksvn nu gidapan gfakamulun ay fagayu wa nke masuad. Kata way nu gfafalo o tagmara.

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 5:17

Kaduge tam gleleg ngayu tam fagidapun, fagmauriun, fakasaitun ay tam fakauriun.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Mateu 16:26

O e tungkul ro sa sik taw at nagbilug nusnge wain ste swa daga ay at leleg ban sa ways faurianan? Sik taw we famangsi at leleg.

Mateu 6:11

Ay foni emi em fakonun katsi fag menit.

Mateu 6:25

“Nu katanya, glong au ayu te, lag am gafanawa te, daginan ban ay fakonun ay ay fanginum ay ay lanbung. Aroro ay leleg at kamafanudan gtungud tua sik fakonun, ay ay bilug at kamafanudan gtungud tua sik lanbung.

Mateu 6:34

Aroro katanya, lag gafanawa katsi te, ‘Tain ban balabag?’ Balabag ya ban nu gamatangan am tiba. Lag gfamut ay fagafanawaun katsi.

Lukas 12:22

Sanya ginan, Isus nalong sat ngay tagadal te, “Lag am gafanawa te, daginan ban ay fakonun, ay ay lanbung.

Lukas 12:29

“Lag gafanawa sabaliwa ay fakonun ay ay fanginum.

1 Kurintu 16:16

faningi tua takata kanya fag ngay taw, ay tiba yak taw takata anya taginlufuyan gfakamulun.

Filipus 4:6

Lag am gafanawa nusngewain ay fagayudanun, abat ngate, eti way sas Dius siginan ay darangin gasfuan nu guseganan am.

1 Timuteu 6:8

Nu katanya, useganani wan nu e fakonun tua tam ay nu e lanbung tua tam.

1 Pedru 5:7

Fatigwanani wan sa anya fagayu ay fagafanawaun, aroro kanya wan takesug ayu.