Takamoyung 2:21 - Fanawbuid tagsibaliwas Fakayabian

²¹ Aroro dewa o nagwantan nangagbilug fagsafulun sam amatanganan ay am fagmakatuun, kanya ban fagayu gfamato way o sat yud nainlufuyan fag taw. Ay takatanya wa yangay e masuad ay wa matuyan.

Takamoyung 2:21 ပူးပေါင်းရင်းမြစ်များ

2 Krunika 34:2

Ay kanya matuyan at fakamulun sis Yawi at daga salubangan, kata at mangaguyang Dabid at nafakamulun ay di gfaragang nu gfakamulun at masine.

2 Krunika 35:18

Ya batang e fagmafulun takatanya siginan ebi Samwel fag taglong at buknga. At naguna fag ngay fun wa batang ya kaful laman gamatangan Tagbarita nu Glangfe, kata Usyas, ay ngay tagfon fanggalangun, ngay taw Lebi, ngay taw Erusalem ay tagsanya fag ngay taw Uda ay ngay taw Israel.

Alubad. 39:7

Dius, dada ya ro nu kakbang au? Nu gafanud au sa way lang emu.

Alubad. 49:10

Fagayu taw saful oma te, dewa at ke fagsafulun fag taw kabul way, ay katanya yangay at kumfasludan sat yud e fagsafulun ay sa takamaogatun fag taw. Ay at ngay ramraman ban umfamato wan sat ngay iba.

Alubad. 49:11

Kabavn ban kanya fagayu gbanwan sis fagfolian, dewa yay e fagagbilugun talun.

Takamoyung 2:20

Nu katanya, namatangan au te, fangulan ku ngay nainlufuyan stes fagdaul daga.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 9:18

Fagsafulun nu mafanud, gtungud tua fagagbilugun fag ngay famawayan. Dewa katanya, sik tagasalanan grasras way nusnge wain at masine.

Eremyas 22:15

O nu glong ro wo sik mabalyanan wo fag fun nu nafawat wo am bale at mawatan siginans sidru? Wain am fagyudun gfaning am mama? Kanya at ngay nafakamulun matuyan tua ay masine, nu katanya, am mama nu nabanwan manabayan tua ay di e fagayudanun.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.