Takamoyung 2:18 - Fanawbuid tagsibaliwas Fakayabian

¹⁸ Ankuri au fagayu ku nainkidapan ste sfagdaul daga, aroro tuy ban fagayu kafamato way sa tagtubus angku.

Takamoyung 2:18 ပူးပေါင်းရင်းမြစ်များ

Alubad. 17:14

Siginan am fagmabitsugun, falangfei angku sanya ginan fag ngay taw, aroro at fagamatanganun tagste way lang sfagdaul daga. Gfamut o at ngay ramraman, ay gfayu o at ngay sisian, ay kanya fagayu gfagbilug at ngay ramraman sat ngay kasugfunanan.

Alubad. 39:6

ay kata yangay sik aninu masakit kalyam. Ay gugatan way sas nusnge wain at yud e tungkul. Kanya gfungsu way at ngay ramraman, dewa katanya, nu nbul ban wa saful te, sinu ban at nangagbilug.

Alubad. 49:10

Fagayu taw saful oma te, dewa at ke fagsafulun fag taw kabul way, ay katanya yangay at kumfasludan sat yud e fagsafulun ay sa takamaogatun fag taw. Ay at ngay ramraman ban umfamato wan sat ngay iba.

Takamoyung 1:13

Nafon au ku leleg laman gamatangan au fia at masine sas fagayu takafasludan ste sfagdaul daga. Ay nalag au te, makalpa fag ngay fakamulun Dius at nafatigwanan sa sangay taw.

Takamoyung 1:3

Nataw ban at masuad taw at nainlufuyan kaduge gfakamulun ste swa daga?

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 2:21

Aroro dewa o nagwantan nangagbilug fagsafulun sam amatanganan ay am fagmakatuun, kanya ban fagayu gfamato way o sat yud nainlufuyan fag taw. Ay takatanya wa yangay e masuad ay wa matuyan.

Takamoyung 2:26

Aroro Dius gfae fagsafulun ay gfae fagusegananun, ay gfasik mamatanganan, fagayu tagfauseganan anya. Ay Dius gfon sa sangay taw tagfakamulun mauri ngay fakamulun laman gfaful ngay ramraman ay gfon sas fagayu tagfauseganan Dius. Nu katanya, ngay taw mauri at fakamulun fagayu we masuad. Kata way nu gfafalo tagmara.

Takamoyung 3:22

Nu katanya, namatangan au te, at masine taw at fakamulun useganani yakman lang sat ngay nainlufuyan, aroro kanya at fagagbilugun wan. Nusnga sinu fag taw we malong te, nataw ban takadasug nu nbul wan.

Takamoyung 4:3

Dewa katanya, gtungud yay nu masine at yud ansalug ay at yud yay nalag at mauri ste sfagdaul daga.

Takamoyung 5:18

Dius at nafon antam tam leleg ste swa daga wa ngaduge. Nu katanya, namatangan au te, sik taw masine nu gfangon ay nu ginum ay nu guseganan at nainlufuyan, aroro kanya fagayu, anya wan.

Takamoyung 9:9

Manabayani magamut am mangena, kaduge Dius at nafon emu fag leleg at yud e masuad stes fagdaul daga. Aroro o wan tagagbilug am nainlufuyan kaduge o stes fagdaul daga.

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

1 Kurintu 3:10

Kata Dius at nafon sa angku fag fakamulun, au at naturuk kata sik tagsaful fia kawat bale. Ay tibak taw at nafataglayun kawat kafag bale. Ay dewa katanya, nusnga sinu takawat kafag bale, dangay glamlamangan.