Takamoyung 2:17 - Fanawbuid tagsibaliwas Fakayabian

¹⁷ Nu katanya, ankuri au ku leleg, aroro fagayu fakamulun stes fagdaul daga at fungfung fagidapun way. Fagayu we masuad, kata way nu gfafalo o tagmara.

Takamoyung 2:17 ပူးပေါင်းရင်းမြစ်များ

1 Fun 19:4

Ay kanya nu glao sas talun at yud e taw sadik menit. Kanya natungkud ay namalunggung si sik daga fun kayu, ay nadarangin laman kabul wan. Kanya nalong te, “Yawi, maksvn wan nu gidapan au! Buli wa ku leleg. Kwa ngap e fagsamanun ku ngay mangaguyang.”

Ub 14:13

Dius, suksuki angku sa sangay kinbul at talun, yakmay o nafalyam am dotama sa angku, ay falganani yap sik buknga sabaliwa nu nangamatang o angku.

Alubad. 89:47

Saful way o te, taw at leleg wa ngaduge, ay kabul way masakit. O nunda am nawat fag ngay taw kata way nu yud e tungkul?

Takamoyung 1:14

Nalag au te, taw at fakamulun fagayu ste sfagdaul daga we masuad. Kata way nu gfafalo o tagmara, fagayu nusnge wain we masuad.

Takamoyung 1:17

Namatangan au fia sabaliwas fagsafulun ay at yud e fagsafulun at fagsamanun, ay nasaful au te, tuy wa yangay e masuad. Kata way nu gfafalo o tagmara ay tuy fagayu wa nke masuad.

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 2:22

Nu katanya, nataw nunda ngay taw at fagmabulun nu gfakamulun gugat stes fagdaul daga?

Takamoyung 3:16

Ay nalag kyangay te, fagmauriun way takafasludan stes fagdaul daga abat ngate fagmatuyanun ay fagmasineun.

Takamoyung 4:2

Nu katanya, nalong au te, amasine yap at kinbul nu gamut tagleleg.

Takamoyung 4:3

Dewa katanya, gtungud yay nu masine at yud ansalug ay at yud yay nalag at mauri ste sfagdaul daga.

Takamoyung 6:9

Duan, we masuad! Kata way nu nafafalo tagmara! Nu katanya, useganani wan nusnge wain tagsi emu, abat ngate o gamatangan gugat ngay nusnge wain yud e si emu.

Esekyel 3:14

At Falad nabuba angku sa tangayayu. Nu katanya, maksvn nu kauri au ay kadotama, dewa katanya, Yawi nafaragang tua takatanya ku amatanganan.

Unas 4:3

Yawi, fabuli wan angku, aroro kaylat kwan nu gfabul o angku nu gamut nu gleleg au.”

Unas 4:8

Ay menit nu nsure, Dius nafadasug sik masugba fag tagmara siginans fakamenitan. Ay maksvn nu maroy, at kaksvnan, Unas arvs anranug. Kanya kaylat wan nu kabul, ay nalong te, “Fabuli wan angku nu gamut ro nu gleleg au.”

Abakuk 1:3

Wain yay am fagfalagun sa angku ngay fagmauriun? Dewa nday gfadfabulan, ay e fagmauriun, ay kadkaurian ay gbadbaboan.

Tap 11:15

Nu kata way lang tuy nu gdama o angku, fabuli wan angku. Ay nu kaylat yay o angku, lag yap gfabayan nu gidapan au.”