Takamoyung 2:13 - Fanawbuid tagsibaliwas Fakayabian

¹³ Ay nasaful kyangay te, amasine yap tua at ke fagsafulun nu gamut at yud e fagsafulun, kata yamag nu amasine yap tuas dulum.

Takamoyung 2:13 ပူးပေါင်းရင်းမြစ်များ

Alubad. 119:105

Am ngay longan gbakvd ay gtaban angku sa ku dalan.

Alubad. 119:130

Am ngay longan tagfon fagmayamagun sa sangay taw at amatanganan, ay tagfon fagsafulun sat yud e fagsafulun.

Fangatulun 14:8

Sik taw at ke fagsafulun, saful tua at fagnamakamulunun, dewa katanya, sik taw at yud mamatanganan, gdaya way at sadili.

Fangatulun 16:16

Amasine yap takaylat kae fagsafulun ay kae fagmamatanganun abat ngate kaylat nangae sanbung salapi ay gintu.

Takamoyung 10:10

Am wase way maglat ay way o nafaglat, fagdaul wa am fagmabitsugun nu gfugfug o. Ay am fagsafulun gfon emu fagmakatuun.

Takamoyung 11:7

Manabayan fagayu tagsis mayamag, ay menit nu kalag masine.

Takamoyung 7:19

At ke fagsafulun fag taw at fagmafakamulunun gtungud yay safuluk tagfangguna sis furuan daul.

Takamoyung 9:16

Nalong au te, amasine yap tua ke fagsafulun nu gamut ke fagmabalyananun, dewa katanya, we gfae mafanud sik taw at maidap ke fagsafulun ay we gdungugan at ngay longan.

Takamoyung 9:18

Fagsafulun nu mafanud, gtungud tua fagagbilugun fag ngay famawayan. Dewa katanya, sik tagasalanan grasras way nusnge wain at masine.

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Mateu 6:23

Ay am mata nu dway malyo, anggan fagdaul am bilug madulum way. Ay am fagmayamagun nu madulum way, ida madulum yay ban daul fagdaul am bilug.

Efesu 5:8

Ebi gbanwan am sis fagmadulumun, ay katsi tam Fun nafasa tua ayu sad mayamag. Ugalii at masine kata nu si am sad mayamag.