Takamoyung 2:10 - Fanawbuid tagsibaliwas Fakayabian

¹⁰ Fagayu at maylat sa angku anfasludan wa fia. Guseganan au ku bulan sas fagayu ku nainlufuyan. Ay fagayu ku nagwantan katanya at famonun sa angku.

Takamoyung 2:10 ပူးပေါင်းရင်းမြစ်များ

Fakasigadan 3:6

Ay mangena nafanud ule at nalong, ay kanya nalingaman kafag fun kayu, ay namatangan te, mataba ro siring at rawvg nu kaon. Ay aroro kaylat kae fagsafulun, kanya narabas sadik rawvg ay naon ay sik baltak nafon sat indugan.

Fakasigadan 6:2

Dius at ngay sisian nalag te, kafag ngay baguina masine, nu katanya, mesa nafili laman at bubay ban.

Ub 31:1

Ay nafatuyanan au sa ku sadili te, dewa au nadama sa sik baguina, kwa ro galabian anya.

Alubad. 119:37

Gubuki angku laman kdi gdama fagayu at yud e tungkul, ay fabitsugi angku kata am fatuyanan.

Alubad. 128:2

Nu katanya tua nu gbanwan o, o tua ban takon am nainlufuyan, ay umke ramraman ban o, ay e fagmanabayanun.

Fangatulun 23:5

Aroro ramraman masakit way nu kamin, kata sik bio taglayugan sis kiwang.

Takamoyung 11:9

Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Takamoyung 2:1

Nafaskud kwan taguseganan nusnge wain at maylat sa angku. Dewa katanya, nasaful kwa te, takatanya we masuad.

Takamoyung 2:22

Nu katanya, nataw nunda ngay taw at fagmabulun nu gfakamulun gugat stes fagdaul daga?

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Takamoyung 3:22

Nu katanya, namatangan au te, at masine taw at fakamulun useganani yakman lang sat ngay nainlufuyan, aroro kanya at fagagbilugun wan. Nusnga sinu fag taw we malong te, nataw ban takadasug nu nbul wan.

Takamoyung 5:10

Ngay taw tagfangalabian salapi ay tiba yak ramraman, bunwa ban kabavn nu guseganan. Wa yangay e masuad takatanya.

Takamoyung 5:17

Kaduge tam gleleg ngayu tam fagidapun, fagmauriun, fakasaitun ay tam fakauriun.

Takamoyung 5:18

Dius at nafon antam tam leleg ste swa daga wa ngaduge. Nu katanya, namatangan au te, sik taw masine nu gfangon ay nu ginum ay nu guseganan at nainlufuyan, aroro kanya fagayu, anya wan.

Takamoyung 6:2

Dius nafon sa tibak taw at ngay fakaylatun at fakatogdungugun, ngay fagagbilugun ay ngay ramraman. Dewa katanya, Dius wa naylat kafag ngay taw nu gagbilug takatanya fagayu, abat ngate, tiba way ktaw at nagbilug takatanya fagayu. Takatanya wa masine ay we masuad.

Takamoyung 6:9

Duan, we masuad! Kata way nu nafafalo tagmara! Nu katanya, useganani wan nusnge wain tagsi emu, abat ngate o gamatangan gugat ngay nusnge wain yud e si emu.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Takamoyung 9:6

ay nalyam wan nu mafangesug, nu kadotama ay nu gfangalabianun, at ugali gina gleleg. Ay wa yangay saful ya fagayu takadasug stes fagdaul daga.

Takamoyung 9:9

Manabayani magamut am mangena, kaduge Dius at nafon emu fag leleg at yud e masuad stes fagdaul daga. Aroro o wan tagagbilug am nainlufuyan kaduge o stes fagdaul daga.

1 Uan 2:16

Aroro fagdaul daga at ugali, tam bilug ay tam mata at fagfangalabianun, ay fakamatungudunun sabaliwa tam leleg, takatanya bunwa siginan tam Mama, siginan ways fagdaul daga.

Tagfangguna 14:2

Nu noli wan, kanya nalong sat mama ay sat mina te, “Nalag au sik baguina taw Filistia sis Timna; agvd nanget ban am anya laman ban ku bubay.”