Takamoyung 2:1 - Fanawbuid tagsibaliwas Fakayabian

¹ Nafaskud kwan taguseganan nusnge wain at maylat sa angku. Dewa katanya, nasaful kwa te, takatanya we masuad.

Takamoyung 2:1 ပူးပေါင်းရင်းမြစ်များ

Fakasigadan 11:7

Nu katanya, gtustus watam laman namasadsamanan tam at ngay fangaringang laman ban wa gtodtogdungugan ya.”

2 Fun 5:5

Aram at fun nalong te, “Loi wan, bubai ku rirukan sas Israel at fun.” Nu katanya, Naaman nalao gbuba at famonun tuluk sandan limak safuluk fabudbungguan salapi ay fituk safuluk fabudbungguan gintu ay safuluk lanbung.

Alubad. 10:6

Ay glong te, “Di e mauig antam, ay wa ban e namaidapan ya antam kabavn!”

Alubad. 14:1

At yud e fagsafulun fag ngay taw gamatangan te, “We Dius!” Kanya fagayu at ngay nafakamulun maksvn nu mauri. Ay nusdi sadi we gfakamulun ya at masine.

Alubad. 27:8

Yawi, nalong o te, “Rvbvyi angku,” nu katanya sa ku amatanganan grvbvy au gugat emu.

Fangatulun 14:13

Mafasuksuk o am fakabaluun way siginan nu gfangase, dewa katanya nu ntabu nu guseganan, kabalu yay.

Takamoyung 11:9

Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Takamoyung 2:10

Fagayu at maylat sa angku anfasludan wa fia. Guseganan au ku bulan sas fagayu ku nainlufuyan. Ay fagayu ku nagwantan katanya at famonun sa angku.

Takamoyung 2:15

Ay nalong au sa ku sadili te, at yud e fagsafulun at nadalan, gdalan kyangay ban. Nu katanya, nataw way ban ku fagsafulun at masuad? Ay gdog kyay nalong sa ku sadili te, “Anud, takatanya we masuad!”

Takamoyung 2:25

Ay setain ro nu e fagfangonun tam ay nu gfae masuad tam tam ngay nainlufuyan, Dius way gfon antam?

Takamoyung 7:4

At ke fagsafulun fag ngay taw gamatangan gugat sas fakabulun, dewa katanya at ngay yud e fagsafulun, at fagamatanganun sa way lang sfagmabayanun.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 50:11

Dewa katanya, dirii, fagayu am at ke algan namauri sa ay iba, aroro am yay ban at nangafaurianan kata ay ngay algan! Yawi ban tagfaurianan ayu, ay umbul ban am sat maksvn fag anini.

Isayas 50:5

Yawi tam Fun naringang sa angku ay gdungugan au. Kdi nafamabo ay kdi nalagyu anya.

Lukas 12:19

Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

Lukas 16:23

Ay kafag taw at maramraman nu si wa sangay kinbul at talun, maksvn nu gidapan. Ay kanya nabanawan sasad ngayayu, ay nalag Abrayam ay anggan Lasaru sit day tigyangan.

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.

Santiagu 4:13

Dungugani, nusnga sinu am taglong te, “Katsi ay mannga balabag, glo ami sa sik furuan, ay sik banwa ban nu sanya ami, ay namalao ban mi nusnge wain, ay ngayu ban em bulan.”

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.

Santiagu 5:5

Nabul wam ay fakaylatun ay ay fagalabianun ste swa daga. Nafataglu am ay sadili kata fagfilasun fag bumbu at mafatagluan.