Takamoyung 11:9 - Fanawbuid tagsibaliwas Fakayabian

⁹ Am at mabaguama yay, mabayani tua kaduge am mabaguama. Fakamuluni ay fakaylatun gfakamulun, dewa katanya, amatangani te, Dius ban gfaurianan ayu kata ay nafakamulun.

Takamoyung 11:9 ပူးပေါင်းရင်းမြစ်များ

Fakasigadan 3:6

Ay mangena nafanud ule at nalong, ay kanya nalingaman kafag fun kayu, ay namatangan te, mataba ro siring at rawvg nu kaon. Ay aroro kaylat kae fagsafulun, kanya narabas sadik rawvg ay naon ay sik baltak nafon sat indugan.

Fakasigadan 6:2

Dius at ngay sisian nalag te, kafag ngay baguina masine, nu katanya, mesa nafili laman at bubay ban.

1 Fun 18:12

Ay tain ro nu nalao au, ay ginanya ro Yawi at Falad nu nabuba wa emu sa ku yud fagsafulun fag talun? Ku tagfayafun ro Akab nu ndasug, nu dway ro e lagan ya emu, gfabul ro angku. Fagtainan, siginan nu masisian au gfaning ktua gugat Yawi.

1 Fun 18:27

Ay gina sis wabilug menit, Elyas gfalingun anya fagayu, glong te, “Dalagvn, faksvni yap nu guro am, aroro kanya sik fagsegan yangay, tibaginan gamatangan yay, ay gfiangalay yay, ay gfanloan, ay malgau gtiug yay, namulo yap am anya.”

1 Fun 22:15

Ay Mikaya nu ndasug sas fun Akab, fun nainto anya te, “O namawayan ami Ramut-Gilyad, ay o mannga duan?” Ay Mikaya nabalus te, “Namawayan wam ay gbabo ro am, aroro Yawi gfababo ro ayu sanya fag ngay taw.”

Ub 31:7

Ay nu nasaruyan kway at masine fag dalan, ay nu nafaning kway ku fakaylatun, ay nu nafauri kway ku sadili,

Alubad. 81:12

Nu katanya, nafabayan kwan ayu, ay nafaning wam ay sadili fakaylatun, aroro kamaogatun am.

Takamoyung 12:1

Gina yay o masisian amatangi tua at nawat emu, ay gina yud andasug at maidap nu glong o te, “Wa manabayan ya nu gleleg au.”

Takamoyung 12:14

Aroro Dius ban ginsaful tam ngay nafakamulun, at masine ay at mauri, at masure ay at masuksukan.

Takamoyung 2:10

Fagayu at maylat sa angku anfasludan wa fia. Guseganan au ku bulan sas fagayu ku nainlufuyan. Ay fagayu ku nagwantan katanya at famonun sa angku.

Takamoyung 3:12

Namatangan au te, at masine taw at fakamulun kaduge gleleg useganani yakman lang ay fakamuluni at masine.

Takamoyung 3:17

Nalong au sa ku sadili te, “Dius ban ginsaful ngay taw at matuyan ay at mauri, aroro kanya nafalganan wan buknga sas fagayu nusnge wain.”

Takamoyung 6:9

Duan, we masuad! Kata way nu nafafalo tagmara! Nu katanya, useganani wan nusnge wain tagsi emu, abat ngate o gamatangan gugat ngay nusnge wain yud e si emu.

Takamoyung 7:14

Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Eremyas 23:17

Katatuy kanya fag ngay taglong at longan gugat sa sangay taw at yud gdungugan ku ngay longan, ay takaylat way gfaning at ngay amatanganan: ‘Manabayan tua ban nu mabanwan am. Wa ban e kadasug sa ayu at mauri.’

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Takabalu 3:27

Masine tua sik taw siginan nu masisian nu saful tua gfaning.

Tap 15:30

“Dewa katanya, nusnga sinu at natikis nafakamulun asalanan, taw Israel man ay duan, ay nafalingun angku, lag gtap ya anya te, ay kaiban,

Tap 15:39

Ay at ngay famaringbing gfamatang fagayu ku ngay suguan sa ayu laman gfaning tuam fia ay bundi lang am fakaylatun fag fakamulun wayam fakamulun.

Tap 22:32

Yawi at tagbarita nainto sa anya te, “Wain am fagnafalangun am asnu tulu ginan? Nastie au laman gfaragang emu aroro mauri wan am fakamulun sa angku.

Mateu 5:28

Ay katsi glong au ayu te, nusnga sinu fag mangama nu nadama sik mangena ay anke algan mauri sa anya, sat amatanganan gfanugtug wan.

Lukas 12:19

Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Fakamulun 14:16

Ebi at kinlangfe fag ngay buknga Dius nafabayan wan fagayu taw sas fagdaul daga laman gfaning at ngay mesa fakaylatun.

Fakamulun 24:25

Ay Pablu gfataglayun wa gugat nu gfoyung sabaliwas fagmatuyanun ay nu gfaragang at sadili, ay sabaliwa takadasug ban fag menit Dius nu ginsaful fagayu taw at ngay asalanan, fun Feliks anlimu maksvn ay nalong sas Pablu te, “Sabv yap ro nu gfoyung o! Nu e buknga kyay ban, gdog kyay gfauro emu.”

Ruma 14:10

Wain am faglongun sabaliwa am faduksay te, mauri at fakamulun? Ay wain am fagfalingunun am faduksay? Fagayu ban tam nansalubang tam sas Dius at daga salubangan.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.

Ebreu 9:27

Ay Dius at ke algan te, ngay taw nu kabul sayginan way, ay sanya ginan nanginsaful at ngay nafakamulun.

Uswe 7:21

Si tam naago fag ngay ramraman nalag au sik ramit masine siginans Babilunya, ay duak sandank salapi, ay sik lifung gintu at kabyatan gwabilug fabudbungguan. Nalabian au kanya fagayu ay nabul au. Ay nalubgub au si ku basad bale ramit, ay kafag ngay salapi sit tiba daga.”

2 Pedru 3:7

Ay siginan yangay at longan, Dius namamin ban katsi fag banwa ay fag daga sasad afuy, gina ban andasug fanginsafulan asalanan fag menit ay nu gfaurianan tagfakamulun at mauri.