Takamoyung 11:2 - Fanawbuid tagsibaliwas Fakayabian

² Am salapi fasai tua tagsaman saman fag famaloun, aroro wo saful nusnga setaw takadasug fag ngay mauri stes fagdaul daga.

Takamoyung 11:2 ပူးပေါင်းရင်းမြစ်များ

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Ester 9:19

Kanya wan ngay taw Udyu tagsi tibak afud talun at fagmafulun galay sis falabi ufatk menit Adar fag magdanun. Ginanya fag menit, nu gfodfonan at ngay mesa famonun.

Ester 9:22

laman kanya fagayu gamatang tua te, ginanya fag menit nu kalangfe siginan at ngay fawayan, at fakabaluun ansik fagmanabayanun, ay at fagwaywayun ansik fagusegananun. Nu katanya, kanya fag rirukan famamatang sa anya fagayu te, e fagmafuluni ay useganani ginanya fag menit, ay galay am at sadi fodfonani ay ngay famonun, ay foni yangay sat yud e kwa.

Ub 5:19

Kanya gfalangfe tua gugat emu galay o anke faurianan ay anke fakalimuun.

Alubad. 112:9

Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.

Fangatulun 19:17

Nu ggubuk tuo at maidap fag taw, kata nu nafaulbus o sas Yawi, ay Yawi ban gfafoli sa emu.

Fangatulun 6:16

Yawi at fakauriun fituk ugali:

Takamoyung 11:3

Nu glinyabu way daul, karak wan sas fagdaul daga. Ay nu inda fun kayu nu maritan, sanya way ban gugat.

Takamoyung 11:8

Nu katanya, kaduge o gleleg manabayani tua. Dewa katanya, Amatangani te, fakabulun kadasug ay kanya ngaduge. Fagayu takafasludan we masuad.

Takamoyung 12:1

Gina yay o masisian amatangi tua at nawat emu, ay gina yud andasug at maidap nu glong o te, “Wa manabayan ya nu gleleg au.”

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Mikas 5:5

Ay kanya ban namae fagmanabayanun at fagfanggunaun fag ngay taw. Ngay taw ban Asirya nu namawayan way antam, am ngay tagfangguna ban at maseganama namangguna antam laman namabo anya fagayu.

Mateu 18:22

Ay Isus nabalus anya te, “Bundi fitu ginan. Fituk safulu e fitu tua ginan nu gfalyam o am iba at asalanan.

Mateu 5:42

Foni sas nusnga sinu taget sa emu, ay faulbusi yangay sat nangulbus sa emu.

Lukas 17:4

Ay dewa fitu ginan sik menit kanya nu e asalanan sa emu, ay andasug fitu ginan ay nafoyung emu te, ‘Gubun au ku asalanan,’ at masine, falyami wan.”

Galasya 6:1

Ku ngay faduksay, ay faduksay nu nke asalanan way, am at ke Masine fag Falad gubuki anya laman umfoli nu gafanud sa tam Fun. Fakamatoani anya manabayan, dewa katanya, dirii tua laman diam gaaloan anya.

Efesu 5:16

Lag gfangulan ay buknga, aroro katsi mauri wan fagdaul daga at ugali.

Ebreu 13:3

Ay afanyui yangay at ngay maubungan, kata nu maubungan yangay am. Ay afanyui yangay tagafalingunan, kata nu gafalingunan yangay am.

1 Samwel 25:8

Intoi sam ngay fagsuguan ay sumaful ro wo te, matuyan. Katsi gfainfanyuan au sa emu te, falagi am fagmasineun sa ku ngay fagsuguan, aroro katsi fagmafulun fag buknga. Tuyani te, kata nu am baguama au ay ku ngay fagsuguan am fagsuguan yangay, ay foni sa emi nusnga setaw am fakaylatun gfon.’ ”