Takamoyung 10:8 - Fanawbuid tagsibaliwas Fakayabian

⁸ Dewa o at naali sik lusung, tibaginan o yay takatong sanya. Ay nu gduksun o nu sa ways sulat alad, tibaginan ule kagat emu.

Takamoyung 10:8 ပူးပေါင်းရင်းမြစ်များ

2 Samwel 17:23

Akitufel nu nasaful te, Absalum wa nafaning at famalun, kanya nasakay wa vtv sat asnu ay noli wan sat furuan. Ay kanya nu nafangatulun wan sat ngay kalongan, narabing wan at sadili. Ay e nanamoli at bilug sat mama at fagfolian.

2 Samwel 18:15

Ay safuluk taw tagbuba Uab at ngay famawayan naligung Absalum ay nafabul wan.

Ester 7:10

Nu katanya, kanya fagayu narabing Aman sat nafalganan fag fagrabingan laman sas Mardukyu. Ay fun at dotama nalyam wan.

Alubad. 57:6

Nafanawa au aroro ku ngay fawayan nafasangdawan si ku dalan, ay kanya yay mangaro fagayu at kinkiktan.

Fangatulun 11:6

At matuyan fag taw at ugali, kanya wan tagfalangfe anya, dewa katanya, tagfandaya fag taw, at ngay algan at mauri gfaurianan way anya.

Fangatulun 26:27

Sik taw takali sasad daga laman at fagnamatongan tibak taw, sia yay ban at nangatong sat alian. Ay nusnga sinu at nafadaging gang sia way at kumsikfit.

Takamoyung 10:9

Dewa o at nabaras gang, tibaginan o yay at natalfian, ay dewa o tagbalse, tibaginan o yay at nataga.

Amus 5:19

Ay kata ban am sik taw tagamatangan te, anlangfe wan siginan sik liun, ay aroro mangaro, nafablang yay fia sik usu. Ay gamatangan yangay te, anlangfe wan aroro siwa at bale, ay aroro mangaro gina nated at dingding sik ule nagat anya.

Amus 9:3

Kanya ban fagayu dewa nananuksuan sas tungud Buksul Karmel, nanrvbvy kyay ban fia ay nanggamat anya fagayu. Ay dewa sumuksuan sas fagngabasadan dagat, gsugu kban sik ule laman nangagat anya fagayu.

Tagfangguna 9:5

Sanya ginan, Abimelek nalao sat mama at bale sas Ufra, ay nafabul at ngay faduksay fag fituk safulu si sik tungud gang, dewa katanya, wa nafabul at arian Utam aroro kanya nasuksuan.