Takamoyung 10:19 - Fanawbuid tagsibaliwas Fakayabian

¹⁹ Fakonun ay fanlangu mafae fagusegananun ngay taw, ay salapi mafon nusnga setaw at fagayudanun.

Takamoyung 10:19 ပူးပေါင်းရင်းမြစ်များ

Fakasigadan 43:34

At fagnamulan duksayan at fakonun siginans Use at fagfangonan, dewa katanya, nu gfon sas Benamin at fakonun lima tua ginan at kayuan. Kanya fagayu nafangon ay nainum gfasfuan Use ay guseganan.

2 Samwel 13:28

Ay kanya fagayu nu maful wan laman guseganan, Absalum nalong sat ngay fagsuguan te, “Fanyai Amnun nu galangu ay dewa gina ro nu naligbat au ayu, fabuli wan anya. Lag am kalimu; au wan tagsugu ayu. Faksvni ay amatanganan ay lag am gaduanun.”

1 Krunika 21:24

Ay fun Dabid gbalus Arauna te, “Kwa kaylat gbul kanya fagayu kway ro e famayad. Gbayad kro sa emu nu seyu nu kabayad. Kwa namon ngay fanggalangun sas Yawi kway nabayad. Kwa nangirug ku yud nabayad fag fanggalangun.”

Esra 1:6

Tibak taw nagubuk anya fagayu siginan nu gfon ngay fagagbilugun at mawatan salapi ay gintu, ay at fagayudanun fag ngay fagagbilugun, ngay fagbaugun, ay tiba yak mafanud fag ngay fagagbilugun, ay at yud fabulunan fag ngay fanggalangun.

Nemyas 5:8

Ay nalong au te, “Nangugatan tam namafoli tam ngay kaiban taw Udyu tagafagsuguanan sa tibak gaban taw. Takatanya ay nafakamulun, kanya fagayu nafabulunan wan nanga sik ngay fagsuguan. O nunda ban tam fakamulun tagfafoli way tam lang anya fagayu sa antam?” Ay kanya fagayu naragangan way lang aroro we fagmalongun ya.

Ester 1:10

Ay gina sis fafituk menit nu maful, fun guseganan aroro ngayuk fanlangu at nainum. Kanya nafauro at nafili fag fituk fagsuguan tagalaga anya. Kafag ngay fagsuguan: Meuman, Bista, Karbuna, Bigta, Abagta, Setar, ay Karkas.

Alubad. 104:15

Ay kafag ngay taw anke fanginum at malangu laman gfae fagmanabayanun, ay anke langis laman famasine at kamatan, ay anke tinapay tagfabitsug anya fagayu.

Alubad. 112:9

Kanya kamon tua sat yud e kwa, ay at fagmatuyanun ban kamatang tua gugat. Ay at fagmakatuun ban kafamut yay, laman e gfauseganan.

Takamoyung 2:3

Ay nafaskud kwan taguseganan ginum fanlangu. Dewa au e fagsafulun, nafakamulun au kata yud e fagsafulun, aroro namatangan au te, katanya tua siring ngay taw at fakamulun at masine dewa yud ngaduge at leleg ste swa daga.

Takamoyung 9:7

Useganani, fangoni, ay mamami fanlangu, aroro kanya Dius at fakaylatun am fakamulun.

Isayas 23:18

Ay sa ban taguyan, at nafabul fag ngay salapi wa ban namungsu. Kanya ban fagayu sik famonun sas Yawi laman famul ngayuk fakonun ay at masine fag ngay lanbung ay namon sa sangay taw tagfakamulun sas Yawi.

Isayas 24:11

Fagayu ban taw guro sa sangaba dalan, grvbvy fanlangu. Ay at fagusegananun ban umsik fakabaluun. Ay sas fagdaul daga we fagmanabayanun ya.

Mateu 17:27

Ay dewa katanya, laman ro ngay taw di kauri anta, loi wan sas tigyangan lino ay fasai sad lino am fambis. Ay taguna fag albon am nagamat, suangi at bibig ay lumag ro wo sik salapi, ay foni kanya fag salapi sanya fag ngay taw laman ta famayad.”

Mateu 19:21

Ay Isus nabalus te, “Nu kaylat o laman di o e malong, falaoi fagayu am ramraman, ay at nagbulan foni sa sangay yud e kwa, laman e ramraman tua ban o sas banwa. Ay sanya ginan, aloi angku.”

Lukas 12:19

Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Lukas 16:9

Ay glong au ayu te, ay ramraman, kanya ay famagadgalangan ngay taw, laman ban nu namin wan, e gfasakbo tua ayu sa sik fagbanwanan at yud e fakatabuan.

Lukas 8:3

Ay anggan Uana, at mangama Kusa, Erudes at fagsuguan at sadi, ay Susana, ay tiba yak mangena. Kafag ngay mangena nagubuk Isus ay at ngay ufud, siginan nu gfon at ramraman.

Fakamulun 11:29

Nu katanya, kafag ngay tagafanud nafalganan at fanggubukun sa sangay tagafanud sis talun Udea. Ay galay at sadi nafon kaksvn at fagmakatuun.

Fakamulun 2:45

Ay kanya fagayu nafalao at ngay ramraman ay at daga, ay at nagbulan nafud sas fagayu, nu seyu at mesa fagayudanun.

1 Pedru 4:3

Faragangi wan nu gfakamulun kata ebi ay fakamulun, kata ngay taw at yud natoglag Dius at fakaylatun gfakamulun: nu gfaning am ay bilug at fakaylatun, ay nu kamasaweun am nu guseganan am, ay nu glanguan am, ay nu gseg am at yud matuyan fag ngay fagsegan.

Tagfangguna 14:10

Samsun at mama nalao sat fanugangan at bale, ay sanya Samsun nafalganan sik fagmafulun kata at faugali sik baguama nu nangadadwa. Samsun nu sanya wan, nafasanya tuluk safuluk baguama laman at ufud.

Tagfangguna 9:13

“Ay wat ubas gbalus te, ‘O nunda amasine yap nu nanfunan au ayu, abat ngate nu gfon au sa ayu fanlangu laman sa sangay fagsegan ay sa sangay taw? Duan!’

1 Samwel 25:36

Abigail nu nfoli wan sat bale, Nabal anke fagmafulun kata nu sik fun. Nabal guseganan ay galangu. Nu katanya, balabag di ya Abigail nu glong sat mangama sabaliwa Dabid nu namablang anya.