Takamoyung 10:15 - Fanawbuid tagsibaliwas Fakayabian

¹⁵ At yud mamatanganan fag taw kalufuy wan nu gfakamulun, nu katanya, kanya wa kaylat ya sas furuan daul laman nanfakamulun.

Takamoyung 10:15 ပူးပေါင်းရင်းမြစ်များ

Alubad. 107:4

Ngay taw Israel ginkalyaman sit yud e taw fag talun, aroro wa saful dalan tagsat fagnamanwanan fag furuan.

Alubad. 107:7

Kanya nataban tua anya fagayu sat mataglayun fag dalan laman sat fagnamanwanan fag furuan.

Takamoyung 10:10

Am wase way maglat ay way o nafaglat, fagdaul wa am fagmabitsugun nu gfugfug o. Ay am fagsafulun gfon emu fagmakatuun.

Takamoyung 10:14

ay wa gfaragang nu garingang. We taw nasaful takadasug ban, nu katanya, we mainto te, setain ban takadasug nu nbul tam.

Takamoyung 10:16

Afanyuan sik furuan daul at fun at amatanganan nu kata way sik sisian, ay at ngay tagfangguna at fakaylatun nu sa way gugat sfagmafulun at ke ngay fakonun.

Takamoyung 10:3

Ay at yud e fagsafulun nu glao gfalag way te, we fagsafulun, ay gfalag sas fagayu taw te, wa mamatanganan.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Isayas 57:1

At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Abakuk 2:6

“Dewa katanya, kanya ban fag ngay talun at ngay taw namalingun anya glong te, ‘Afanyuan am, tagbul deyud ay fagagbilugun, ay tagfandaya laman kae ramraman am. Seduge tua ban nunda nu gfakamulun am takatanya?’