Takamoyung 1:8 - Fanawbuid tagsibaliwas Fakayabian

⁸ Fagayu takatanya maidap nu kamatangan ay we mafafayamag. Tam ngay mata nu gdama ay tam talinga nu gdungugan katanya tua gugat.

Takamoyung 1:8 ပူးပေါင်းရင်းမြစ်များ

Alubad. 63:5

Guseganan au kata sik taw at napsug at mataba fag ngay fakonun. Ay gfauseganan au emu, siginan sik ngay alubad at mauseganan.

Fangatulun 27:20

Faurianan ay fakabulun we fagmanabayanun, katanya yangay taw at algan.

Takamoyung 1:7

Fagayu liskung gfamilugan gugat sas dagat, ay dewa katanya, dagat di kapnu. Ay nu daginan kanya nu kasure, sanya yangay gugat nu kafoli.

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 2:26

Aroro Dius gfae fagsafulun ay gfae fagusegananun, ay gfasik mamatanganan, fagayu tagfauseganan anya. Ay Dius gfon sa sangay taw tagfakamulun mauri ngay fakamulun laman gfaful ngay ramraman ay gfon sas fagayu tagfauseganan Dius. Nu katanya, ngay taw mauri at fakamulun fagayu we masuad. Kata way nu gfafalo tagmara.

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 6:7

Taw gfakamulun laman e fakonun, dewa katanya, kanya ya guseganan.

Agay 1:9

Yawi at Mabalyanan glong yangay te, “Gseg am te, ngayu tua ban ay gutluan, dewa katanya, alay way. Nustua ay nafauli ay gutluan, nafafaragfag kway lang. Nafakamulun au sa ayu takatanya aroro nafabayan am ku bale nu maiklasan, ay fagugatanun gfasine ay ngay mesa bale way lang.

Mateu 11:28

“Nusnga sinu am takalufuy ay at ke famubaun mabyat, akbangi sa angku, ay gfafiangalay au ayu.

Mateu 5:6

Mauseganan ngay taw nu kaylat tua gfakamulun Dius at fakaylatun, aroro Dius ggubuk tua ban anya.