Takamoyung 1:13 - Fanawbuid tagsibaliwas Fakayabian

¹³ Nafon au ku leleg laman gamatangan au fia at masine sas fagayu takafasludan ste sfagdaul daga. Ay nalag au te, makalpa fag ngay fakamulun Dius at nafatigwanan sa sangay taw.

Takamoyung 1:13 ပူးပေါင်းရင်းမြစ်များ

Fakasigadan 3:19

Ay maksvn ban nu gidapan o gfakamulun laman e fakonun o yakmay am bilug anfoli sas daga, aroro at fangawat emu daga yangay.”

Ub 28:3

Ay kanya fag ngay taw gasalungan laman gyamag sat fakalian. Kanya gfanrvbvy sat ngabasad, gang at ke tansu sa tiba daga fag sulbung.

Alubad. 111:2

Yawi at ngay fakamulun maksvn nu madulo. Ay fagayu taw taguseganan sanya baliwa gamatangan tua gugat takatanya.

Fangatulun 18:1

Takamasadiliun fag taw, masaman way siginans fagngayuan, ay wa gfadiuganan sat matuyan fag ngay amatanganan.

Fangatulun 18:15

At ke fagsafulun fag taw ay tagsaful gtogdungug, kaugat yay nu kaylat kae fagsafulun.

Fangatulun 23:26

Ku sisian, dungugani ku foyungan ay faningi tua ku ngay ugali,

Fangatulun 25:2

Gfauseganan tam tam Dius, aroro kanya e fagfasuksukun tua, ay gfauseganan tam tam ngay fun, aroro kanya fagayu gfasure kafag ngay masuksuk.

Fangatulun 4:7

Fagsafulun ay fagmamatanganun at mafanud sas fagayu, nu katanya, ugatani asafuli, dewa ban namin fagayu am ramraman.

Takamoyung 1:17

Namatangan au fia sabaliwas fagsafulun ay at yud e fagsafulun at fagsamanun, ay nasaful au te, tuy wa yangay e masuad. Kata way nu gfafalo o tagmara ay tuy fagayu wa nke masuad.

Takamoyung 11:5

Nu setain nu yud o glag tagmara, ay sik ngenge nu kabia sit mina at ungdan, katanya yangay Dius nu kawat fagayu nusnge wain, wo yangay saful.

Takamoyung 12:12

Ku sisian, dirii yangay takatatuy: nu griruk we fakatabuan, ay malufuy way tagsawe nu gadal.

Takamoyung 2:23

Ay fagayu at nafakamulun kaduge gleleg gfauri way at amatanganan. Nu katanya, dewa sisad yabi kanya wa katiug. Ay takatanya fagayu wa yangay we masuad.

Takamoyung 2:26

Aroro Dius gfae fagsafulun ay gfae fagusegananun, ay gfasik mamatanganan, fagayu tagfauseganan anya. Ay Dius gfon sa sangay taw tagfakamulun mauri ngay fakamulun laman gfaful ngay ramraman ay gfon sas fagayu tagfauseganan Dius. Nu katanya, ngay taw mauri at fakamulun fagayu we masuad. Kata way nu gfafalo tagmara.

Takamoyung 3:10

Nalag au Dius at nafalganan fag ngay fakamulun laman sa sangay taw.

Takamoyung 3:11

Fagayu tuy Dius at nafalganan takafasludan sas fagayu buknga. Ay kanya nafon antam amatanganan laman saful tam takadasug ban, dewa katanya, wa tam saful at ngay fakamulun siginans fagsigadan ay anggan ban sas fakatabuan.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 7:25

Dewa katanya, gfataglayun au gamatangan ay gfanginsaful, laman umke fagsafulun au ay mafabalus au ku ngay fagintoun, ay laman sumaful au te, se aksvn tagfakamulun at mauri nu yud mamatanganan, ay se aksvn nu mauri at yud mamatanganan at amatanganan.

Takamoyung 8:9

Nalingaman au fagayu nusnge wain tagstes fagdaul daga, nalag au ngay taw ke fagmakatuun gfauri at iba.

1 Timuteu 4:15

Fakamuluni takatanya fagayu ay falganani fia am sadili laman fagayu taw lumag te, kafamut am fagmakatuun.