Takabalu 5:5 - Fanawbuid tagsibaliwas Fakayabian

⁵ Tagfafakamulun emi gfaidapan emi; mamomuy ami ay wami gfiangalay ya.

Takabalu 5:5 ပူးပေါင်းရင်းမြစ်များ

Eremyas 27:8

“ ‘Dewa katanya, sik talun ban at ngay taw ay sik fagmafunanun way kaylat gfababaun ay gfaning fun Nabukudunusur, talun Babilunya at fun, namaurianan kban kanya fag talun at ngay taw sas awayan, fanlunus, ay fakasaitun yakmay kban nafagbilug kanya fagayu sas fun Nabukudunusur. Au, Yawi, taglong tuy.

Eremyas 28:14

Au Yawi at Mabalyanan, Israel at Dius, glong au te, gfafunguan kban fantungud liug fag sanbung sas fagayu talun laman kanya fagayu gfakamulun sas Nabukudunusur, Babilunya at fun. Ay namagbilug kyangay ban sa anya anggan tagsis talun fag ngay mangilafang.’ ”

Eremyas 51:58

Yawi at Mabalyanan nalong yay fia te, “Rasrasi wan talun Babilunya at ngay alad at madamvl ay irugi wan at ngay sakbawan tangabat. Wa ban e masuad fagayu tagbanwan sanya at nainlufuyan aroro kairug ban.”

Takabalu 1:14

Kanya nafaful fagayu ku asalanan ay nafafasanan sa angku, ay kanya wa fagayu at nafatabanan angku. Fun Dius nafamomuy angku, ay nafababawan angku sa ku ngay fawayan ku fagyudun makatu gfawayan.

Takabalu 1:3

Maksvn nu gfaidapan talun Uda, ay at ngay taw natabanan wan. Kanya fagayu gbanwan sa tibak talun at yud e fagmabayanun. Ay at ngay fawayan gfafalo anya fagayu ay wa malagyu ya.

Takabalu 4:19

Tagfafalo emi fag ngay fawayan asakit yap sik bio. Ay kanya fagayu gfafalo emi sa sangay buksul ay nanbalabag emi sat yud e taw fag talun, laman namawayan.

Mikas 2:3

Nu katanya, Yawi glong sa ayu te, “Dungugani! Namaurianan kban ayu ay wa ban am umlangfe, ay wa ban am mafamatungudun ya.

Mateu 11:29

Folii sa ayu ku fantungud liug, ay faningi fagayu ku foyungan ayu, aroro mafanyan ktua ay malukme, ay gfafiangalay ayu.

Fakamulun 15:10

Katsi nafaskud am Dius ay nafafasanan am sa sangay yud Udyu fag ngay tagafanud at mabyat, tam fagyudun makatu gfasanan ay anggan tam ngay mangaguyang at fagyudun makatu gfasanan.

Deuterunumyu 28:48

ay kanya ban namataban ayu sa ay ngay fawayan ay kabavn ban gfakamulun am laman sa anya fagayu. Kalunus ban am, ay kadanum, ay gayudan ay ngay lanbung, ay kamin ban fagayu nusnga setaw ay fagagbilugun. Kanya ban fagayu gfaidapan ayu yakmay ban am anbul.