Takabalu 4:22 - Fanawbuid tagsibaliwas Fakayabian

²² Am fag ngay taw tagbanwan sis furuan Erusalem, gakatabuun wan nu gfaurianan ayu. Ay wa ban glugo ya Yawi gfauli wan ayu siginan ay fagatabananan fag talun. Ay am fag ngay taw Edum, Yawi ban gfaurianan ayu. Aroro sa ay ngay asalanan, kanya ban gfasure ay fagmauriun.

Takabalu 4:22 ပူးပေါင်းရင်းမြစ်များ

Alubad. 137:7

Yawi, amatangi ngay taw Edum at ngay nalong gina talun Babilunya at ngay tagfawayan giklas Erusalem. Kanya fagayu nalong te, “Iklasi wan ay rufai kafag furuan!”

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 52:1

Furuan Siun, afuloi, alunggungi ay maksvni tua! Ay fasurei am fagmabalyananun, o at yud e malong fag furuan Erusalem, aroro at yud taw Israel, am natuyan te, masuya, wa ban gdog ya gsakbo sa emu.

Isayas 60:18

Di ban e gfangagras ya sim talun, ay wa ban e faurianan ya takadasug sa emu. Fakalangfeun ban gligung emu kata sik alad, ay fagayu ban tagsakbo sa emu gfauseganan ban angku.

Eremyas 32:40

Ay nangawat kban sik nasadian sa anya fagayu te, gfakamulun ktua ban gugat at masine sa anya fagayu. Ay namoyung kban anya fagayu nu setain nu gsuyu angku laman ban kanya fagayu wa kayayu ya siginan angku.

Eremyas 33:7

Namauli kwan ngay taw Israel ay ngay taw Uda siginan at fagatabananan, ay namawat kyay ban gayvd at furuan daul kata ebi.

Eremyas 33:8

Namasine kban anya fagayu ay namalyam at ngay asalanan at nafakamulun sa angku.

Eremyas 49:10

Ay kanya ban fagayu nanrvbvy ay nangagbilug Isaw at ngay kasugfunanan at ngay ramraman. Namul kwan at fagsuksuanan at faningding laman kanya fagayu we fagnanuksuanan ya. Nu katanya, umbul ban at ngay sisian, at ngay kalongan ay at ngay fasabale, ay wa ban e sawad ya.

Eremyas 50:20

Ginanya ban fag ngay menit, at kinsawad fag ngay taw Israel ay Uda wa gasalanan ya, aroro nafalyam kwan at ngay asalanan. Au, Yawi, taglong tuy.”

Takabalu 4:21

Am fag ngay taw Edum tagbanwan sis Us, katsi useganani ay fanagsagi, aroro Yawi namaurianan yangay ban ayu. Umfaurianan yangay ban am ay umke fakaplaun.

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Esekyel 37:28

Ay ku bale ban si tua gugat at talun, ay fagayu ban talun at ngay taw sumaful te, au Yawi, at nafili ngay taw Israel laman di e malong.’ ”

Esekyel 6:12

Ngay taw ban tagbanwan sa tangayayu umbul sas fakasaitun. Ay at munakbang ban umbul sas awayan. Ay at sawad ban umbul sas lunus. Takatanya ban fag balyawvtan kanya fagayu sumaful te, maksvn nu kadotama au anya fagayu.

Ubadyas 1:10

Aroro nafauri am ay kaiban Akub at kasugfunanan, gafaplan ban am gugat, ay kabavn ban gfauri au ayu.

Malakyas 1:3

ay kwa nesug Isaw. Ay narasras kwan Isaw at fagagbilugun fag ngay buksul, ay tagbanwan sanya, ngay mela way lang.

Malakyas 1:4

“Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’