Takabalu 4:17 - Fanawbuid tagsibaliwas Fakayabian

¹⁷ Gyawyawa wan nu kamanawan ami at kadugean nu gfanya ami em ngay fagadgalangan fag talun nu ggubuk emi. Ay gulit ami gugat si em fagulitan laman gfanya em ngay fagadgalangan fag ngay talun at yud ngap makatu gfalangfe emi.

Takabalu 4:17 ပူးပေါင်းရင်းမြစ်များ

2 Fun 24:7

Igiptu at fun wa namawayan ya tibak talun, aroro Babilunya at fun naago wan sik afud at talun, siginans fagfamiluganan mamam sis talun Igiptu, sitsigons Liskung Eufrates.

Isayas 20:5

Ay fagayu tagseg Etiupya ay takamatungudun talun Igiptu umlimu ban ay umkapla.

Isayas 28:18

Dewa katanya, wa ban e tungkul ay nasadian sas fakabulun ay ay nasadian yangay sa sangay kinbul at talun. Aroro gafaurianan ban am gina ngay faurianan andasug kata sik lugwak.

Eremyas 2:18

Nataw ay nabul gina am nanangakbang sas talun Igiptu ay sas Asirya? Wain ay fagnasauns Liskung Nilu ay Eufrates?

Eremyas 2:36

Masakit ay malayun nu gtubus am ay fagadgalangan fag ngay talun. Dewa katanya, ay fagadgalangan ngap ban fag talun Igiptu gfapla yangay ayu kata talun Asirya at nafakamulun sa ayu.

Eremyas 2:37

Gina ban am gduksun siginans talun Igiptu, gfasa ban am ay ngay tungud alfuyu ay ngay daluap at kaksvnan nu kapla am ay kabalu, aroro naiyan kwan ay fagadgalangan fag ngay talun, laman wa magubuk ya ayu.

Eremyas 8:20

Ngay taw nabalus te, “Fanggutluan antabu wan, ay mangune anlangfe wan, dewa katanya, yo nafalangfe emi!”

Takabalu 1:19

Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 1:7

Ngay taw sis Erusalem gina gidapan ay yud e fagbanwanan, gamatang at ngay ramraman ebi. Ay gina kanya fagayu gidapan we nagubuk ya, ay at ngay fawayan gfalingun kase.

Takabalu 5:6

Ansik ngay fagsuguan ami sa sangay taw Igiptu ay sa sangay taw Asirya, laman e fakonun ami.

Esekyel 29:16

Ngay taw Israel ban at fagsegun bunwa sa anya ya. At kinfasludan tagfamatang Israel sat asalanan nu nanget gubuk sas talun Igiptu. Ay ngay taw Israel ban sumaful te, au Yawi.’ ”