Takabalu 4:16 - Fanawbuid tagsibaliwas Fakayabian

¹⁶ Yawi nafasaruayan ay wa nagubuk ya anya fagayu. Ay nusnga sinu we gsuyu ya ngay tagfon fanggalangun ay ngay tagfangguna.

Takabalu 4:16 ပူးပေါင်းရင်းမြစ်များ

Fakasigadan 49:7

Gfauri kban ayu aroro gfangadotama am maksvn. Ay namasaruayan kban ayu sas fagdaul talun Israel.

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Alubad. 106:27

ay namasaruayan kban at ngay kasugfunanan sa sangay talun, ay sanya waban nu kabul.”

Alubad. 106:44

Dewa katanya, kanya fagayu nu nadarangin, Dius nadungug tua, ay anfanyu at ngay taw nu gidapan.

Isayas 24:2

Sadi way ban fagayu taw at fakadasugan, dewa sik tagfon fanggalangun ay sik taw, ay dewa sik fun ay sik fagsuguan, ay dewa sik tagfaebayad ay sik tagbayad, ay dewa sik tagfabedan ay sik tagbedan.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Eremyas 15:4

Fagayu ban talun at ngay taw sas fagdaul daga kasuya anya fagayu, aroro sas Manase, Esekyas at baguama, at nafakamulun sas furuan Erusalem ebi gina kanya gfunan sis Uda.

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 52:24

Ay Nebusaradan nataban yangay Seraya fag fun tagfon fanggalangun, ay Sefanyas at faduak fun tagfon fanggalangun ay anggan fagtulu tagalaga sis Yawi at sakbawan bale.

Takabalu 2:20

Yawi, damai tua emi. Amatangani nu sinu am fagfauriananun. At kaksvnan nu kalunus ami, at ngay mina naon wan at ngay ngenge. Ay nafabul wan ngay tagfon fanggalangun ay ngay taglong sim bale.

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Takabalu 5:12

Ay nasiuk em ngay tagfangguna at ngay take ay narabing sa sangay kayu, ay wa nasuyu ya em ngay fagtainan.

Esekyel 5:10

Nu katanya, at ngay fagtainan ban kon wan at ngay sisian ay at ngay sisian ban kon wan at ngay fagtainan. Namaurianan kban ayu, ay at sawad ban namasaruayan au sas fagdaul daga.

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.

Deuterunumyu 32:26

Nalong au te, gfaurianan kban anya fagayu, yakmay ban kanya fagayu yud kamatang ya sas fagdaul daga.

Ebreu 8:9

Ay kanya ban fag nasadian di ban kata ku nasadian sat ngay mangaguyang, gina au gtaban anya fagayu siginans talun Igiptu. Kanya fag ngay taw wa nafataglayun nu masadi sa angku, nu katanya nafabayan kwan anya fagayu.”