Takabalu 4:1 - Fanawbuid tagsibaliwas Fakayabian

¹ Ngay taw tagbanwan sis furuan Erusalem ankata sik gintu at yud masine ya, ay kata yangay at mafanud fag ngay gang tagrapyagan way lang sa sangay dalan.

Takabalu 4:1 ပူးပေါင်းရင်းမြစ်များ

Isayas 1:21

Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Isayas 14:12

O at nafangayan te, Tagurabas, antong wo siginans banwa. Ay o ebi tagbabo ngay talun at ngay taw, antong wo sas daga.

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Takabalu 2:19

Afuloi sis buknga yabi ay eti gubuk sas Fun Dius. Ay longi wan sa anya fagayu ay fagamatanganun, fakatai nu gbusbus am mamam. Ay darangini fabati ay ngay take laman sa ay ngay sisian at mamomuy kalunus tagsi sangaba dalan.

Esekyel 22:18

“Taw at baguama, we masuad ya sa angku ku ngay taw Israel. Kanya fag ngay taw kata way lang sik nakaurian fag sanbung, ay kata at nafamato fag balanban sis fagirugan gina ntabu gfasine sik salapi.

Mikas 1:6

Nu katanya, Yawi nalong te, “Nangiklas kban Samarya laman umsik fagtanuman wat ubas. Ay namabaras kban ngay gang sanya ginan fag furuan yakmay andasug sas datag ay yakmay ansure kafag furuan at ngay fagfatungkudan turuk.

Mateu 24:2

Ay Isus nalong sat ngay tagadal te, “O glag am in fag ngay afud bale? Matuyan nu glong au ayu te, abandi ban we gang ya gtudtungudan. Fagayu ban umrasras wan.”

Markus 13:2

Ay Isus glong anya te, “O glag o kafag ngay bale ayu daul? Abandi ban we gang ya gtudtungudan. Fagayu ban umrasras wan.”