Takabalu 3:64 - Fanawbuid tagsibaliwas Fakayabian

⁶⁴ Yawi, faurianani wan anya fagayu kata at nafakamulun.

Takabalu 3:64 ပူးပေါင်းရင်းမြစ်များ

Alubad. 28:4

Fakamuluni sa anya fagayu kata at ngay nafakamulun. Faurianani anya fagayu kaksvn at nafakamulun fag ngay fagmauriun.

Eremyas 11:20

Dewa katanya, nadarangin au te, “Yawi at Mabalyanan, matuyan tua nu ginsaful o, ay saful o taw at amatanganan. O wan tagfasud kanya fag ngay taw, nu katanya, gfatigwanan kwan sa emu ku ngay fakamulun.”

Eremyas 15:15

Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 51:24

“Ku ngay taw, gfalag kban sa ayu nu gfasud au sas talun Babilunya ay sas fagayu tagbanwan sanya aroro mauri at nafakamulun sas furuan Erusalem. Au, Yawi, taglong tuy.

Eremyas 51:56

Kadasug ban at nanrasras talun Babilunya ay nantaban ban at ngay tagfawayan, ay at godun ban fagayu kalifung wan, aroro au, Yawi, tagfauri fagayu at mauri ay gfaurianan au talun Babilunya at kasakan sa anya.

Eremyas 51:6

Lagyui wan siginans Babilunya! Falangfei ay sadili! Wa masine nu kabul am aroro sa sangay taw Babilunya at ngay asalanan. Buknga wan laman namasud au talun Babilunya kata at ngay nafakamulun.

2 Timuteu 4:14

Aleandru fag takawat ngay fagagbilugun siginans sanbung, kanya mauri at fakamulun sa angku. Tam Fun waban tagfasud sa anya kata at nafakamulun.

At Nafasure 18:6

Fakamuluni sa anya kata at nafakamulun sa ayu, ay nu setain at nafakamulun sa ayu, fasudi dua ginan. Nu seyuk taya mapnu at nafakamulun sa ayu at mauri, fasudi sa anya duak kayu nya.

At Nafasure 6:10

Kanya fagayu maksvn nu guro te, “Em Fun at mabalyanan, ay at yud e malong ay at matuyan, seduge yaban nu gfanya ami nu namatuyan o ngay taw at asalanan ay nu namasud o sat nafabul emi fag ngay taw tagbanwan sis daga?”