Takabalu 3:40 - Fanawbuid tagsibaliwas Fakayabian

⁴⁰ Amatangani nu mabanwan tam, ay afolii sas Yawi.

Takabalu 3:40 ပူးပေါင်းရင်းမြစ်များ

2 Krunika 30:6

Ay kata fun at suguan, ngay taw tagfosuk longan nalao sas fagdaul talun Israel ay Uda, gbuba fun ay at ngay tagfangguna at rirukan. Katatuy at rirukan: “Ngay taw Israel, anlangfe tuam siginan sangay taw Asirya at fun, nu katanya, katsi wan at buknga nu kafoli am sas Yawi, ay ngay mangaguyang, Abrayam, Isak, ay Akub at Dius, laman kanya kafoli yangay sa ayu.

2 Krunika 30:9

Nu nfoli tua ban am sas Yawi, ngay taw ban at nataban ay ngay sisian ay ay ngay kalongan, gfafoli yay anya stae sa ay talun. Aroro ay Dius Yawi, mafanggubuk tua ay mafangafanyu. Kanya ban wa gtalyuyan ayu nu nfoli tua ban am sa anya.”

Alubad. 119:59

Namatangan au sabaliwa ku ugali at kinlangfe, ay anfoli au sa emu laman namaning am ngay foyungan.

Alubad. 4:4

Dewa am andotama, dangay am kae mamalong. Ay gina am gtaygilidan si ay fagtiugan, maragangani ay amatangani tua gugat takatanya.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Esekyel 18:28

Aroro kanya nafoyung tua ay naubun at asalanan, kanya ban gleleg tua.

Usea 12:6

Nu katanya, am Akub at ngay sugfun, afolii wan sas Dius, falagi anya te, kesug am anya ay masine wam sa anya. Fataglayuni nu gafanud am sa anya.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.

1 Kurintu 11:28

Nu katanya, galay am at sadi gina am ganangonun ay gananginumun amatangani ay sadili.

1 Kurintu 11:31

Ay baliwan nu gamatangan tua tam tam sadili, di ban tam gafaurianan.

2 Kurintu. 13:5

Ay atuyani fia sa ay ngay sadili ay faskudi te, o anud galo tuam fia kata tam fagafanudun. O yam nasaful te, tam Fun Isus si wa ayu? Sabv, nu ddi am sik ngay takamaningan.

Deuterunumyu 4:30

Fagidapun ban nu ndasug sa ayu, umfoli ban am sas Yawi ay namaning ban am anya.