Takabalu 3:37 - Fanawbuid tagsibaliwas Fakayabian

³⁷ Fun Dius nu dway kaylat, we kafasludan nusnge wain.

Takabalu 3:37 ပူးပေါင်းရင်းမြစ်များ

2 Samwel 16:10

Ay Dabid nalong te, “Seruya at ngay baguama, lag am kasalag! Nu Yawi wan at nasugu anya laman gfauri angku, sinu au laman gfaragang anya?”

1 Fun 22:34

Ay sik taw Aram fag tagfawayan kaduge gfana ngay taw Israel at ngay tagfawayan, kanya nafana Israel at fun sit buknga famalabag ay natayuk sit dubdub. Ay fun Akab nalong sat tagfalao at kabayu te, “Fayayui angku siginans fagawayanan, aroro nafanan au.”

2 Fun 6:33

Kaduge Elisyu garingang, kafag fagsuguan andasug ay fun glong te, “Yawi nafadasug sa antam fagidapun. Nu katanya, wain ku fagfanyaun yay at gubuk?”

Ub 10:13

Dewa katanya, nasaful kwan am algan fia sa angku.

Ub 2:10

Ay Ub gbalus te, “Am ngay longan kata way sik mauri fag mangena at ngay longan. O nunda ban at masine way lang fagayu tam fakaylatun siginans Dius, o ay nunda ban bunwa anggan tua fagidapun?” Ub dewa nadalan takatanya fagayu, kanya di nasalanan ay di nafayud Dius.

Nu Galin 10:10

Ay Igiptu at fun nalong te, “Anud! Yawi ro gufud ayu nu kaylat kdi nu glao am anggan ay ngay talnayan! Katsi nasaful au te, mauri way ay algan. Nanlagyu wayam angku.

Fangatulun 16:9

Taw at algan ngayu, dewa katanya, Yawi tua tagfafasludan.

Fangatulun 19:21

Ngayu tam algan, dewa katanya, Yawi tua at fakaylatun takafaning.

Fangatulun 21:30

We mafasud Yawi at fagsafulun ay at fagmamatanganun.

Isayas 46:10

Siginan ngay sfagsigadan nalong kwan takafasludan ban. Ay fagayu ban ku ngay nalong umfasludan, ay namakamulun kban nusnga setaw ku fagyafakamulunun.

Eremyas 23:32

Kanya fagayu gfoyung at ngay taginfan at yud matuyan, nu katanya, siginan at fakamuaganun nafalyam ku ngay taw at amatanganan. Kwa nasugu anya fagayu ay kwa yangay nasugu te, aringangi, nu katanya, we fanggubukun sa sangay taw. Au, Yawi, taglong tuy.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Ruma 9:15

Aroro Dius nalong sas Muisis te, “Kafanyu au ku fakaylatun kafanyu, ay ggubuk au ku fakaylatun ggubuk.”

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,