Takabalu 3:32 - Fanawbuid tagsibaliwas Fakayabian

³² Kanya dewa gfaurianan antam, gfalag sa antam at fakafanyun ay nu kesug yud e fakatabuan.

Takabalu 3:32 ပူးပေါင်းရင်းမြစ်များ

2 Fun 13:23

Dewa katanya, Yawi kafanyu tua gugat ay gamatang anya fagayu aroro sat fatuyanan sas Abrayam, Isak, ay Akub. Nu katanya, dasug katsi, Israel di nkamin ay di naiyanan.

Alubad. 103:11

Aroro nu seyayu banwa ay daga at wabilug, kaksvn yangay nya Dius nu kesug fagayu tagfaning anya.

Alubad. 30:5

Aroro kanya dewa ndotama wa glugo, ay di e fakatabuan at fagmasineun sat nafili fag ngay taw. Ay sisad yabi dewa e gwayway, balabag di manabayan tua.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Nu Galin 2:23

Nu nlangfe ngayuk banwa, Igiptu at fun anbul wan. Ay dewa katanya, ngay taw Israel gidapan yay gugat siginan nu gafagsuguanan. Ay kanya fagayu naet gubuk sas Dius, ay Dius nadungug at fagetun.

Nu Galin 3:7

Ay Yawi glong yay fia te, “Nalag au ku ngay taw nu gidapan sis talun Igiptu. Nadungug kyangay nu gurungan get gubuk aroro maksvn at fun at ngay fagsuguan nu gfaidapan, ay anfanyu au anya fagayu.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 54:7

Sik kadugayan, naubun kwa emu, dewa katanya, gdog kyay nangalaga emu aroro maksvn nu kesug au emu.

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Naum 1:12

Katatuy Yawi at longan sa sangay taw Uda: Ay ngay fawayan Asirya dewa ngayu ay mabitsug, namamin kban anya fagayu. Ay kwa ban gdog ya gfaurianan ayu.

Lukas 15:20

Nu katanya, kafag baguama anfoli sat mama. “Gina ngayayu yay, at mama nabanawan ay anfanyu anya. Ay at mama masakit nanangakbang anya ay naugwan ay nayuk at fingi.

Tagfangguna 10:16

Sanya ginan, ngay taw Israel naubun wan at ngay fagsegan ay naseg Yawi. At matuyan, Yawi wa kagwanta glag ngay taw Israel nu gidapan.