Takabalu 3:30 - Fanawbuid tagsibaliwas Fakayabian

³⁰ Nu e nafalang at sadi am fingi fasalubangi yap at sadi am fingi. Ay aylati way am ngay fawayan dewa gfalingun emu.

Takabalu 3:30 ပူးပေါင်းရင်းမြစ်များ

Ub 16:10

Fagayu taw gfalingun angku, ay gfalang ku fingi laman gfapla angku, ay kanya fagayu masadi gfawayan angku.

Ub 30:10

At kaksvnan kanya fagayu nu kauri angku gsaruyan wan, ay wa gadgaragun ya gtufe ku kamatan.

Alubad. 123:3

Yawi, afanyui emi, aroro maksvn wan nu gafalingunan ami.

Alubad. 69:20

Anmomuy au ay ankuri kanya fag ngay taw at nafakamulun sa angku. Nafamanyan koma te, o wa ro gayvd e nfanyu ya angku, ay nusdi sadi we nfanyu angku. Gfanya au at namasun angku, dewa katanya, we nanamasun ya angku.

Alubad. 69:9

Maksvn nu kesug au am bale kata sik afuy tagigang si ku basad. Ay galay ngay taw gfalingun emu, gidapan au gamatangan.

Isayas 50:6

Nafabayan au nu e gfalang ku guyuy, ay nasalubang au sa sangay taggulad ku umi. Nafabayan kwan nu gfalingun angku ay nu gtufe ku mata.

Mikas 5:1

Ngay taw Erusalem, falganani ay ngay tagfawayan aroro ay ngay fawayan maligung ayu. Ay kanya ban fagayu namalang siginan sik tulag ngay tagfangguna sis Israel at fingi.

Mateu 26:67

Ay kanya fagayu natufe Isus at kamatan. Ay tiba nasuntuk anya ay nafalang.

Mateu 5:39

“Ay katsi glong au ayu te, lag gfasud ya dewa e nafauri ayu. Sik taw nu nafalang am siun fag fingi, fasalubangi am wala fag fingi.

Lukas 6:29

Ay sik taw nu nafalang am fingi at sadi, falagi yangay am fingi sit sadi fag tigyangan. Ay nu e gago emu am fangumutan, foni wan, ay nu nabul am lanbung, foni yangay.

2 Kurintu. 11:20

Aroro naylat am nusnga sinu fag taw dewa gfagsuguan ayu, ay dewa gdaya ayu, ay dewa gtaban ayu, ay dewa kamaseganamaun sa ayu, ay dewa gfalingun ayu.