Takabalu 3:25 - Fanawbuid tagsibaliwas Fakayabian

²⁵ Yawi matuyan tua sas fagayu taw tagafanud ay at ke fagsegun siginan anya.

Takabalu 3:25 ပူးပေါင်းရင်းမြစ်များ

Fakasigadan 49:18

Sanya ginan, Akub nalong te, “Yawi, gfanya au nu gfalangfe o.”

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

2 Krunika 15:2

Ay kanya nanangablang fun Asa, ay nalong anya te, “Fun Asa, dungugani, ay anggan am fag ngay taw Uda, ay ngay taw Benamin. Yawi si tua ayu nu gbanwan tuam si anya. Nu grvbvy tuam anya, lumag am anya. Ay nu natalyuyan wayam anya, kanya gaiyan yangay ayu.

2 Krunika 19:3

Dewa katanya, e nafakamulun tuo at masine. Narufa tuo sis Uda fag turuk fagtoglagan Asera fag fagsegan, ay naylat tuo gfaning Dius.”

2 Krunika 30:19

takaylat kakbang sa emu, Yawi, at ngay mangaguyang at Dius, kanya fagayu dewa yud nafasine at ngay sadili kata ngay faugali sis Yawi at bale.”

2 Krunika 31:21

Kanya nafakamulun fagayu at fakamulun sis Dius at bale, ay nafaning ngay suguan, ay kakbang tua gugat sat Dius sas fagdaul at amatanganan.

Esra 8:22

Aroro kapla au get sas fun at ngay tagfawayan ay at ngay tagsaful gsakay sis kabayu laman galaga emi sa em ngay fawayan kaduge ami glao, aroro nalong ami sas fun te, ‘Dius ggubuk fagayu tagseg anya, dewa katanya, kanya maksvn nu kauri sas fagayu takamabo anya.’

Alubad. 105:3

Segi anya, tam Dius at yud e malong. Fagayu am at kinkakbang sas Yawi, useganani tua.

Alubad. 119:2

Mauseganan yangay sik taw tagalo tua Dius at ngay foyungan, ay tagugatan tua grvbvy Dius at fakaylatun.

Alubad. 22:26

Ngay taw nangus at yud e kwa gfangon tua ay kapsug. Ay fagayu nangus takakbang sa emu tanan tua nanseg emu. Ay kanya nangus fagayu kabavn gfauseganan tua emu.

Alubad. 25:8

Yawi, matuyan tuo ay masine, nu katanya, foyungi sa sangay tagasalanan am balyawvtan.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Alubad. 27:8

Yawi, nalong o te, “Rvbvyi angku,” nu katanya sa ku amatanganan grvbvy au gugat emu.

Alubad. 37:34

Afanudi sas Yawi, ay laoi sat dalan. Nu katanya tua, kanya guseganan tua ay gfabanwan ayu sas talun Israel. Ay lumag ban am nu gaiyan ngay taw mauri sanya ginan fag talun.

Alubad. 37:7

Manabayani tua sis Yawi at daga salubangan, ay agwantai tua fanyai at fagnamakamulunun. Lag o galabian at mauri fag ngay taw dewa manabayan nu gbanwan, siginan at mauri fag balyawvtan.

Alubad. 39:7

Dius, dada ya ro nu kakbang au? Nu gafanud au sa way lang emu.

Alubad. 61:1

Dius, gdarangin au get gubuk. Dungugi angku!

Alubad. 61:5

Aroro nadungug tuo ku ngay fatuyanan, ay nafon tuo sa angku ku fagnangagbilugun kata am ngay nafon sas fagayu takalimu emu.

Alubad. 69:32

Ngay taw at yud e kwa nu nalag takatanya, guseganan. Ay fagayu takakbang sas Dius, guseganan yangay.

Alubad. 71:14

Ay nu sa angku, nu gseg au, sa way lang emu. Ay kaugat yay nu gfauseganan au emu.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 26:9

Sad yabi grvbvy au emu sas fagdaul ku amatanganan. Am ngay balyawvtan matuyan tua, ay fagayu taw sas fagdaul daga, sumaful tua at matuyan fag ugali.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 40:31

ay dewa katanya, fagayu tagafanud sas Yawi gdog yay fia umke fagmabitsugun. Kanya fagayu glayug tua kata sik bio. Dewa gtarung, wa kalufuy, ay dewa glao, wa kamomuy.

Isayas 55:6

Akbangi sas Yawi ay darangini kaduge kanya munakbang si ayu, laman kanya ggubuk ayu.

Isayas 64:4

Siginan ebi dasug katsi ya batang e ndungug ay e nlag takata emu fag Dius, taggubuk sas fagayu tagafanud sa emu.

Takabalu 3:26

Masine tua tagagwantan gfanya Yawi nu gfalangfe.

Usea 10:12

Glong au ayu te, falukmei wan ay ngay amatanganan kata sik naali fag lutuk. Ay tanumi fagmatuyanun ay gumutlu ban am fakesugun. Aroro buknga wan nu kafoli am sa angku yakmay kban andasug, ay namakamulun au sa ayu at matuyan.

Sefanias 3:8

Nu katanya, am fag ngay taw Erusalem, fanyai at buknga nu namauri au ngay talun. Aroro anke algan au namaful ngay talun ay ngay fagfagtainanan laman namadasug sa anya fagayu ku fandotaman at maksvn takata sik afuy nu girug fagdaul daga.

1 Tesalunika 1:10

ay gfanya am at Baguama Isus, kanya at nafadog nafaleleg, nu kafoli siginans banwa. Ay kanya tagfalangfe ban antam sa takadasug fag faurianan.

Santiagu 5:7

Ku ngay faduksay, nu katanya, agwantai tua yakmay tam Fun andasug. Amatangani te, sik tagtanum gfanya at tanum nu grawvg, ay kanya gfanya taguna ay taguyan fag arak.