Takabalu 3:17 - Fanawbuid tagsibaliwas Fakayabian

¹⁷ Kwe fagmanabayanun ya, ay nalyam kwan ku kayaunanan at masine.

Takabalu 3:17 ပူးပေါင်းရင်းမြစ်များ

Fakasigadan 41:30

Ay at fadogan ban takadasug fag fituk banwa maksvn nu malunus, at kaksvnan ban fagayu taw wa gamatang ya ebi ataw fag ngay fakonun at nadalan sis talun Igiptu.

Ub 7:7

Dius, amatangi ku leleg aroro kata way sik engasan, ay kwe fagmanabayanun ya.

Alubad. 119:155

At mauri ban fag ngay taw wa kalangfe, aroro kanya fagayu wa nafaning am ngay foyungan.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Isayas 54:10

Ngay buksul ban ay ngay fungsu dewa anbaras wan, nu kesug kban emu di kabali, ay di ban e fakatabuan ku fatuyanan sa emu te, gfae fagmanabayanun kban emu. Au wan Yawi taglong tuy.

Isayas 59:11

Gina tam sis fagidapun, kata tam sik usu nu gsubang, ay gfandeng tam kata sik labikung nu guni. Gfanya tam Dius nu gfaurianan tam ngay fawayan ay nu gfalangfe antam, dewa katanya, ya gugat kafasludan.

Eremyas 12:12

At nanrasras kadasug siginans talun at yud e taw fag ngay tagbudbuksulanun. Ay gagbilug kban anya fagayu kata sik fiso tagsumbalian at uyup laman namauri galay sik taw, ay wa ban e malagyu ya.

Eremyas 14:19

Yawi, o matuyan naiyan wo Uda? O anud kauri wo furuan Erusalem? Wain am fagnafauriananun emi takatatuy, ay kata wa nu yud ami e fagsegun ya kafia? Nafanya oma tam fagmanabayanun dewa katanya, we ndasug. Nafanya oma tam fagmafianun, dewa katanya, at kindasug fagmalimuun way.

Eremyas 16:5

Yawi nalong yay fia te, “Lag o gsakbo sa sik bale at ke mabulan. Lag o kabalu gasfuan ngay takabalu, ay lag o gfalag am fakafanyun sas nusnga sinu. Aroro kwa kesug ya ay kafanyu kanya fag ngay taw.

Eremyas 8:15

Nafanya oma tam fagmanabayanun, dewa katanya, we ndasug. Nafanya oma tam fagmafianun, dewa katanya, at kindasug fagmalimuun way.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Sakaryas 8:10

Ebi gina yud gdog nafasigad kawat Yawi at bale, wa gbayad ya sa sangay tagfakamulun ay sat naulbus fag fagbaugun laman gfafakamulun. Ginanya, maidap at famanwanun, aroro ngayu at fawayan ay naylat au laman kanya fagayu gawayan.