Takabalu 3:11 - Fanawbuid tagsibaliwas Fakayabian

¹¹ Ay natangagan angku siginan sad dalan, ay nagat ay naubun wan.

Takabalu 3:11 ပူးပေါင်းရင်းမြစ်များ

Ub 16:7

Dius, nafamomuy o angku ay nafamin fagayu ku fagagbilugun.

Alubad. 143:4

Nu katanya, kwe fagsegun ya. Ay maksvn wan nu kalimu au.

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Isayas 3:26

Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Eremyas 15:3

“Au, Yawi, glong au te, namadasug kban sa anya fagayu ufatk faurianan: kanya ban fagayu kabul sas awayan, ay ngay idu nangguyudan at ngay bilug, ay ngay manuk tungud naninduk anya fagayu, ay tagfangagat fag ngay mela namamin at ngay nagsawadan.

Eremyas 19:8

Nangiklas kban at furuan daul ay umsik fagfalingunun ban. Ay fagayu ban tagdalan sanya fag furuan garinun ay gfalingun sat kinfasludan.

Eremyas 32:43

Ay ste ban fag talun gdog yay gfabayad at ngay gamasun, katsi dewa mabaluanan ay we gbanwan ya dewa taw ay fagbaugun aroro nafon wan kanya fag daga sa sangay taw Babilunya.

Eremyas 5:6

Nu katanya, at ngay fawayan namaurianan anya fagayu kata sik idu talun, ay kata sik mela tagfanya at fagnangonun tagduksun siginans furuan. Umfasludan takatanya sa anya fagayu aroro ngayu ginan gtalyuyan Yawi.

Eremyas 6:8

Ngay taw tagbanwan sis Erusalem, kanya sik famararang sa ayu, ay nu dway am kaylat gdungugan, nangayayu au siginan ayu, ay ay talun umsik mabaluanan at yud e gbanwan ya.”

Takabalu 1:13

Ay kanya nafadasug afuy siginans banwa, kata nu girug ku ngay bini. Kanya nafasangdawan si ku dalan ay ansangdaw au. Kanya naubun angku ay mamomuy kway lang fagngabak menit.

Takabalu 3:10

Ay kanya kata sik mela at malimu tagfandaya laman nanggamat angku.

Daniel 7:23

“Katatuy at famayamag sa angku: at faufatk mangilafang gfafaskudanan sas faufatk fagfagtainanan stes fagdaul daga tagsaman tibak fagfagtainanan. Kanya nansiad ay nanrasras fagdaul daga.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Mikas 5:8

Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

Mateu 23:38

Dungugani! Wa ban e gbanwan ya si emu.

At Nafasure 18:19

Ay kanya ban fagayu gwayway ay gfasat alfuyu dafug, fakatoglagan te kabalu, ay guro te, ‘Fangulan, fangulan, o fag furuan takadungug. Fagayu at ke sakayan lino, anramraman siginan am ramraman. Ay am ramraman nu kamin sik buknga way sirut!