Takabalu 2:8 - Fanawbuid tagsibaliwas Fakayabian

⁸ Yawi anke algan nanrasras furuan Erusalem at alad. Kanya nafalganan laman namakamulun takatanya. Ay nafataglayun at algan.

Takabalu 2:8 ပူးပေါင်းရင်းမြစ်များ

2 Samwel 8:2

Ay Dabid nababo yangay ngay taw Muab. Kanya nafataygilidan kafag ngay taw ay mafataladan sis daga, ay nafasud siginan sik famasud fag lubyang. Ay fagayu at kintap sit fasadi ay at faduak famasud, gfabul wan. Ay at kintap sit fatuluk famasud, wa gfabul. Ay at yud nafabul fag ngay taw Muab, ansadi sas Dabid ay nafon yay sik famayad.

2 Fun 21:13

Namaurianan au Erusalem kata nu gfaurianan au Samarya ay fun Akab fag talanan. Namegus au Erusalem kata sik fagsuadan at mafegusan ay mafaluban.

Ub 13:21

Faragangi wan nu gfaurianan o angku, ay lag gfadasug sa angku ngay faurianan at malimu.

Isayas 22:5

Aroro tam Fun, Yawi at Mabalyanan, nafalganan sik menit laman ngay taw ban gbarisanan ay glagyu sis tagubungan nu inda nu glag ngay taginfan. Sanya ban fag furuan at ngay alad umrufa wan, ay ngay taw tagbanwan sanya guro sas buksul te, “Gubuki emi.”

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Isayas 3:26

Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Isayas 34:11

Tagbanwan ban sanya ngay ebo way lang ay ngay ugak. Yawi at ke algan te, Edum umsik mabaluanan ay at yud e gbanwan fag talun.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Eremyas 14:2

“Uda ay at ngay furuan kabalu. At ngay tagbanwan sis Erusalem malunggung sisad daga ay nawayway maksvn.

Eremyas 5:10

“Israel at ngay fawayan, nanrasras am at ngay tanuman wat ubas, dewa katanya, lag yap gfamin. Gatvngi yap lang at ngay sanga, aroro kanya fagayu ansaruayan wan siginans Yawi.

Eremyas 52:13

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

Takabalu 2:17

Yawi nafakamulun kata at algan. Kanya nafafasludan at nalong. Ay wa nfanyu ya giklas furuan Erusalem! Kanya nafae fagusegananun am ngay fawayan, ay nafabayan nu kamatungudun sat ngay fagmabalyananun.

Takabalu 2:18

Ngay taw tagsis Erusalem, uroi sas Fun Dius. Kayu menit ay yabi, waywayi falibisani ay ngay liasun kata sik liskung nu gfamilugan. Lag gfaragang nu gwayway am.

Takabalu 2:2

Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Takabalu 2:5

Fun Dius naiklas Israel kata nu at fawayan, ay naiklas yangay ngay furuan at alad, ay anggan fun at alad bale. Ay nafamut yay kafag ngay taw at fakabaluun ay at fagwaywayun.

Esekyel 20:22

Dewa katanya, kwa nafakamulun takatanya, aroro kwa kaylat ku ngayan nu gafaplan sa sangay talun tagligung anya fagayu at nasaful te, au wan at nafalfas ngay taw Israel siginans talun Igiptu.