Takabalu 2:6 - Fanawbuid tagsibaliwas Fakayabian

⁶ Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Takabalu 2:6 ပူးပေါင်းရင်းမြစ်များ

Alubad. 74:7

Kanya fagayu nafasuya ay nairug am bale, ay nafauri yangay am ngayan.

Alubad. 76:2

Dius gbanwan sis Buksul Siun sis furuan Erusalem.

Alubad. 80:12

Dius, wain am fagnaiklasun am tanuman at alad? Fagayu taw tagdalan sa emi gfangkamul em ngay rawvg.

Alubad. 89:40

Naiklas o at ngay alad furuan, ay anggan at ngay fagsuksuanan.

Isayas 1:13

Faragangi wan nu gfon am sa angku ay ngay fanggalangun, wa ngap e tungkul. Kauri kway gayuk ay ngay famaebebanglu fag lune at ayuk. Maksvn nu kauri au ayu galay am maful sabaliwa Magdanun nu Bagu Kasure ay Famiangalay fag Menit, aroro dewa ngap am maful, mauri way ay fakamulun.

Isayas 1:8

Ay furuan Erusalem kata way lang sik bale famoy swabilug tanuman wat ubas, ay kata yangay sik bale fagulitan swabilug tanuman unduy ay kata sik furuan at maligungan at ngay fawayan.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 63:18

Ay sik kadugayun, am ngay taw oma tagagbilug am Bale, ay katsi, em ngay fawayan narasras wan.

Isayas 64:11

Ankirug wan em fagnansegan fag Bale at yud e malong, nu inda em ngay mangaguyang nu namauseganan emu. Anrasras wan fagayu em fagagbilugun at mafanud.

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Eremyas 45:4

“Baruk, katatuy yangay Yawi at longan, ‘Nanrasras kban tuy fag talun ku nawat. Nanggulad kban ku natanum. Ay namakamulun kban takatatuy sas fagdaul talun.

Eremyas 50:28

“Dungugani at nalagyu fag ngay taw siginans talun Babilunya nu gfansulit sas Erusalem nu setain Yawi nu gfaurianan talun Babilunya aroro sat nafakamulun sas Yawi at bale.

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 4:16

Yawi nafasaruayan ay wa nagubuk ya anya fagayu. Ay nusnga sinu we gsuyu ya ngay tagfon fanggalangun ay ngay tagfangguna.

Takabalu 4:20

Kanya fagayu nagamat em fun, Yawi at nafili, em fagsegun at namangguna emi sa em fawayan fag ngay talun.

Takabalu 5:12

Ay nasiuk em ngay tagfangguna at ngay take ay narabing sa sangay kayu, ay wa nasuyu ya em ngay fagtainan.

Esekyel 17:18

Uda at fun nalyam at nasadian sas Babilunya at fun, nu katanya, kanya ban wa kalangfe.

Lebitiku 26:31

Nanrasras kban ay ngay furuan ay ay ngay fagnansegan. Ay kwa ban kaylat ya ay fanggalangun at anus at mabebanglu.

Sefanias 3:18

kata sik taw nu guseganan si sik fagmafulun.’ ” Yawi glong te, “Namalangfe au ayu siginans fagidapun laman diam umke fakaplaun.

Malakyas 2:9

Nu katanya, nafauri au ay nafapla ayu si sangay taw at daga salubangan aroro wam nafaning ku ngay balyawvtan. Ay nu gfoyung am e fagfili wayam.”