Takabalu 2:21 - Fanawbuid tagsibaliwas Fakayabian

²¹ Ay at kinbul fag ngay sisian ay fag ngay fagtainan grapyagan si sangaba dalan. Ay anggan ngay baguama ay ngay baguina anbul sis fagawayanan. Andotama o anya fagayu, nu katanya, wo nfanyu ya gfabul.

Takabalu 2:21 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Ester 3:13

Ay ngay tagfosuk longan nafarapyag kafag rirukan sas fagayu afud talun. Nariruk sanya fag suguan te, kadasug ban sik menit nu gfabul ngay taw Udyu: ngay sisian, ay at mafagtainan, mangama ay mangena, ay gbul kanya fagayu at ramraman. Umfasludan ban takatanya sis falabi tuluk menit sis falabi duak magdanun, Adar fag magdanun.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Eremyas 51:22

Nangagbilug kban emu, laman namamin au ngay mangama ay mangena, ngay fagtainan ay ngay sisian, ngay baguama ay baguina.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Eremyas 9:20

Eremyas glong sa sangay mangena te, Katsi, dungugani fia Yawi at longan. Ay foyungi ay ngay baguina ay anggan ay ngay iba nu setain nu nanwayway ay nu nangabalu.

Eremyas 9:21

Ay fakabulun nasakbo wan sa tam mesa bale ay anggan sa tangabat fag bale. Ay kanya nafabul tam ngay sisian si sangay dalan anggan tam ngay baguama sis fagaweanan.

Takabalu 1:15

Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 2:17

Yawi nafakamulun kata at algan. Kanya nafafasludan at nalong. Ay wa nfanyu ya giklas furuan Erusalem! Kanya nafae fagusegananun am ngay fawayan, ay nafabayan nu kamatungudun sat ngay fagmabalyananun.

Takabalu 2:2

Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Takabalu 3:43

Ay andotama o emi, ay wo nfanyu ya gfaurianan ay gfabul emi.

Esekyel 5:11

Au, Fun Dius Yawi, gfatuyanan au te, kafanud nu gleleg au, namamin kban ayu, ay kwa ban kafanyu ya ayu, aroro nafasuya am ku bale siginan nu gseg am at yud matuyan fag ngay fagsegan ay siginan nu gfakamulun am nusnga setaw fag ngay fakamulun at maksvn nu mauri.

Esekyel 7:4

Kwa ban kafanyu ya ayu. Namaurianan kban ayu kata ay nafakamulun at mauri laman sumaful am te, au Yawi.’

Esekyel 7:9

Kwa kafanyu ya ayu. Namaurianan au ayu aroro mauri ay ngay nafakamulun. Nu katanya, sumaful ban am te, au Yawi at nafaurianan ayu.

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Esekyel 9:10

Nu katanya, kwa nangafanyu ya kafag ngay taw, nu bunway, namakamulun au sa anya fagayu kaksvn at nafakamulun sa tibak taw.”

Amus 4:10

Ay nafadasug kyangay sa ayu sik ngay faurianan kata ebi ku nafadasug sas talun Igiptu. Nafabul kwan ay ngay baguama sas awayan, ay ay ngay fawayan nagbilug wan ay ngay kabayu. Ay nafaidapan kyangay ayu sat maksvn fag basung aroro ngayuk taw at kinbul si ay fagmafulan. Dewa katanya, yam kafoli sa angku. Au, Yawi, taglong tuy.

Amus 8:13

Gina kban gfaurianan ayu fag menit, ay ngay baguina at masine ay ay ngay baguama at maseganama ummomuy aroro maksvn nu kadanum.

Sakaryas 11:6

“Au, Yawi, glong au te, kwa ban kafanyu ya ngay taw tagste fag talun. Namafagtainan kban anya fagayu sat ngay iba ay sat fun. Ay at ngay iba ban namaurianan kafag talun, ay kwa ban gfalangfe ya anya fagayu.”

Deuterunumyu 28:50

Kanya fagayu madot ay wa ban kafanyu ya ayu dewa am at mafagtainan ay at masisian.

Deuterunumyu 32:25

Ay ngayu ban takabul sat ngay day bale siginans awayan, ay dewa ban sit basad bale umke malimu. Ay fagayu ban baguama ay baguina, ngay mafagtainan, ay anggan ngay sisian kabul wan.

Uswe 6:21

Ay kanya fagayu nafon sas Yawi furuan laman sik fanggalangun siginan nu gfabul ngay mangama ay mangena, at mafagtainan ay sisian, ay anggan yangay ngay baka, tupa ay asnu.

1 Samwel 15:3

Namawayan ban am ngay taw Amalek ay namamin at ngay ramraman. Ay namabul ban am at ngay mangama, at ngay mangena, at ngay sisian, ay anggan at ngay bagu kasalug, anggan yangay at ngay baka, at ngay tupa, at ngay kamelyu ay anggan at ngay asnu.’ ”