Takabalu 2:20 - Fanawbuid tagsibaliwas Fakayabian

²⁰ Yawi, damai tua emi. Amatangani nu sinu am fagfauriananun. At kaksvnan nu kalunus ami, at ngay mina naon wan at ngay ngenge. Ay nafabul wan ngay tagfon fanggalangun ay ngay taglong sim bale.

Takabalu 2:20 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Alubad. 78:64

Ay at ngay tagfon fanggalangun anbul sis awayan, ay at ngay mangena we buknga ya kabalu at mesa mangama.

Nu Galin 32:11

Ay dewa katanya, Muisis maksvn nu gfababaun ay namalub sat Dius Yawi ay glong te, “Yawi, wain am fagnamauriananun kanya fag ngay taw, am nataban siginans talun Igiptu siginan am fagmabalyananun?

Isayas 22:2

Ngayuk taw tagaringang ay tagfanguroan guseganan sas fagdaul furuan. Ay ngay iba at kinbul nu kabul, wa sis awayan.

Eremyas 19:9

At ngay fawayan ban nanligung kanya fag furuan yakmay ban ngay taw tagbanwan sanya at fakonun ankamin. Nu katanya, sanya ban umke fanlunus ay kanya ban fagayu kon at ngay ibama ay anggan at ngay mesa sisian.’ ”

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Takabalu 1:19

Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 4:10

Ay sat kindasug fag faurianan sa ku ngay iba, dewa at mafangesug fag ngay mina nafatama wan at ngay mesa sisian ay naon, aroro maksvn nu kalunus.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Takabalu 4:16

Yawi nafasaruayan ay wa nagubuk ya anya fagayu. Ay nusnga sinu we gsuyu ya ngay tagfon fanggalangun ay ngay tagfangguna.

Esekyel 5:10

Nu katanya, at ngay fagtainan ban kon wan at ngay sisian ay at ngay sisian ban kon wan at ngay fagtainan. Namaurianan kban ayu, ay at sawad ban namasaruayan au sas fagdaul daga.

Esekyel 9:7

Sanya ginan, Dius nalong sanya fag ngay taw te, “Namasuya am ku bale, ay namapnu am ngay taw at kinbul sas fagdaul basad ubung.” Ay kanya fagayu nalao wan laman namabul ngay taw.

Lebitiku 26:29

Gfae fanlunus kban si ay talun ay gafabulunan ban am kon ay sadili sisian.

Deuterunumyu 9:26

Nu katanya, gdarangin au sas Yawi te, “Fun Dius Yawi, lag o gfaurianan am ngay taw, aroro siginan am fagmabalyananun nafalangfe tuo ay nafalfas anya fagayu siginans talun Igiptu.