Takabalu 2:2 - Fanawbuid tagsibaliwas Fakayabian

² Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Takabalu 2:2 ပူးပေါင်းရင်းမြစ်များ

Ub 2:3

Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Alubad. 21:9

Gina ban o ndasug, namamin ban o am ngay fawayan, kata nu kairug sisad faigangan. Ay kanya ban fagayu umkamin, aroro sam dotama.

Alubad. 74:7

Kanya fagayu nafasuya ay nairug am bale, ay nafauri yangay am ngayan.

Isayas 22:5

Aroro tam Fun, Yawi at Mabalyanan, nafalganan sik menit laman ngay taw ban gbarisanan ay glagyu sis tagubungan nu inda nu glag ngay taginfan. Sanya ban fag furuan at ngay alad umrufa wan, ay ngay taw tagbanwan sanya guro sas buksul te, “Gubuki emi.”

Isayas 23:9

Yawi at Mabalyanan at ke algan takatanya, laman namatong takamatungudun tagseg at kamasinean, ay laman gfamababaun ngay takadungug sas fagdaul daga.

Isayas 25:12

Ay rumasras ban tangabat ay at maksvn fag alad anggan umrapyag sas daga.

Isayas 26:5

At matuyan, e gfababa wa fia nusnga sinu takamatungudun, ay e rumasras wan at furuan anggan umrapyag sas daga.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 5:10

“Israel at ngay fawayan, nanrasras am at ngay tanuman wat ubas, dewa katanya, lag yap gfamin. Gatvngi yap lang at ngay sanga, aroro kanya fagayu ansaruayan wan siginans Yawi.

Takabalu 2:17

Yawi nafakamulun kata at algan. Kanya nafafasludan at nalong. Ay wa nfanyu ya giklas furuan Erusalem! Kanya nafae fagusegananun am ngay fawayan, ay nafabayan nu kamatungudun sat ngay fagmabalyananun.

Takabalu 2:21

Ay at kinbul fag ngay sisian ay fag ngay fagtainan grapyagan si sangaba dalan. Ay anggan ngay baguama ay ngay baguina anbul sis fagawayanan. Andotama o anya fagayu, nu katanya, wo nfanyu ya gfabul.

Takabalu 2:5

Fun Dius naiklas Israel kata nu at fawayan, ay naiklas yangay ngay furuan at alad, ay anggan fun at alad bale. Ay nafamut yay kafag ngay taw at fakabaluun ay at fagwaywayun.

Takabalu 3:43

Ay andotama o emi, ay wo nfanyu ya gfaurianan ay gfabul emi.

Esekyel 5:11

Au, Fun Dius Yawi, gfatuyanan au te, kafanud nu gleleg au, namamin kban ayu, ay kwa ban kafanyu ya ayu, aroro nafasuya am ku bale siginan nu gseg am at yud matuyan fag ngay fagsegan ay siginan nu gfakamulun am nusnga setaw fag ngay fakamulun at maksvn nu mauri.

Esekyel 7:4

Kwa ban kafanyu ya ayu. Namaurianan kban ayu kata ay nafakamulun at mauri laman sumaful am te, au Yawi.’

Esekyel 7:9

Kwa kafanyu ya ayu. Namaurianan au ayu aroro mauri ay ngay nafakamulun. Nu katanya, sumaful ban am te, au Yawi at nafaurianan ayu.

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Esekyel 9:10

Nu katanya, kwa nangafanyu ya kafag ngay taw, nu bunway, namakamulun au sa anya fagayu kaksvn at nafakamulun sa tibak taw.”

Mikas 5:14

Ay nanrufa kyangay ban ngay turuk fagtoglagan Asera fag fagsegan, ay nangiklas kyangay ban ay ngay furuan.

Malakyas 1:4

“Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’

Mateu 18:33

Anfanyu tuo nangus am usama fag fagsuguan kata nu nfanyu au emu.’

2 Kurintu. 10:4

Tam ngay famawayan bundi siginans taw at fagmabalyananun, nu bunway siginan tuas Dius, ay at fagmabalyananun tua tam famabo at ngay fawayan.

Deuterunumyu 28:52

Kanya ban fagayu namawayan sas fagayu ay furuan ay Dius Yawi at nafon ayu, yakmay ban anrufa at ngay alad tangabat ayu daul ay fagsegun.

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.