Takabalu 2:15 - Fanawbuid tagsibaliwas Fakayabian

¹⁵ Ngay taw tagdalan ayu gifulan ay gfablangan at ngay daluap, laman gfalingun ayu. Kanya fagayu glong te, “O tuy oma fag furuan at nalong te, ‘We gtungud nu masine ay fagdaul daga at fagfanagsagun.’?”

Takabalu 2:15 ပူးပေါင်းရင်းမြစ်များ

2 Fun 19:21

Nu katanya, katatuy ku longan sa anya: Ngay tagbanwan sis Siun sis Erusalem fag furuan kauri ay gfalingun emu. Kanya fagayu gfalingun emu kaduge o glagyu.

2 Krunika 7:21

Ay dewa ku bale masine ay kadungug, giklas kban. Ay fagayu ban at nadalan sanya kalipsik ay kadulo ay glong te, ‘Wain Yawi at fagnafakamulunun takatatuy ste fag talun ay sat bale?’

Alubad. 109:25

Ku ngay fawayan gfalingun angku, ay nu nalag angku gligbat.

Alubad. 22:7

Fagayu taw at nalag angku kamalingun gfainsingian at alfuyu, ay glong te,

Alubad. 48:2

Kafag buksul ngabat ay masine, ay gfae fagusegananun sas fagdaul daga. Siun yud e malong fag buksul at mabalyanan fag Fun at furuan.

Alubad. 48:3

Dius gfaogat Erusalem at ngay alad, laman gfalag te, gulit.

Alubad. 50:2

Kanya gyamag siginan at filian fag furuan Siun, at yud e kalong at kasinean.

Alubad. 64:8

Kanya fagayu umfaurianan aroro sat ngay nalong fag ngay mauri, ay fagayu at nalag anya gtadtaruyan kalimu.

Isayas 28:21

At matuyan, Yawi namawayan wa fia ayu kata ebi at nafakamulun sas buksul Perasim ay sas datag Gibyun. Namakamulun waban fia at madulo fag fakamulun.

Isayas 37:22

Nu katanya, katatuy ku longan sa anya: Ngay tagbanwan sis Siun sis Erusalem fag furuan kauri ay gfalingun emu. Kanya fagayu gfalingun emu kaduge o glagyu.

Isayas 64:11

Ankirug wan em fagnansegan fag Bale at yud e malong, nu inda em ngay mangaguyang nu namauseganan emu. Anrasras wan fagayu em fagagbilugun at mafanud.

Eremyas 18:16

Nu katanya, at talun ban umsik mabaluanan ay umsik tagafalingunan ban gugat. Ay fagayu ban tagdalan sanya maksvn nu kalimu ay gtadtaruyan.

Eremyas 19:8

Nangiklas kban at furuan daul ay umsik fagfalingunun ban. Ay fagayu ban tagdalan sanya fag furuan garinun ay gfalingun sat kinfasludan.

Eremyas 25:18

Nafainum kwan sas Erusalem ay sa sangay furuan tagsis Uda anggan sat ngay fun ay sat ngay tagfangguna laman umfaurianan wan. Ay tiba bank taw umdulo at kindasug sa anya fagayu, ay gfalingun ay gfauri, kata takafasludan katsi.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 48:27

Am, ngay taw Muab, o nunda wam nafalingun taw Israel? O nunda nalag am kanya nu gfangkamul? Wain ay fagfalingunun anya siginan nu gligbat am?

Eremyas 51:37

Nanrasras kwan kafag talun, ay tiba bank taw umdulo at kindasug sa anya fagayu, ay gfalingun, ay tagbanwan ban sanya ngay idu talun way lang.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Takabalu 2:16

Am ngay fawayan gfalingun emu, gifulan ay gfaringgit at ngay bagang ay glong te, “Katsi narasras watam furuan Erusalem! Katsi wan fag menit tam fagfanyaun, ay anfasludan wan!”

Takabalu 2:6

Kanya narasras at bale kata way nu sik tanum. Ay kanya nafalyam siginan sangay taw Erusalem at amatanganan ngay fagmafulun ay Famiangalay fag Menit. Ay at kaksvnan nu kadotama kanya naiyan wan ngay fun ay anggan ngay tagfon fanggalangun.

Esekyel 16:13

Nafae famasine au emu at mawatan sanbung salapi ay gintu ay nafalanbungan au emu sik lanbung at mawatan siginan at masine fag ramit tagridrirukun, ay at fangawat am fakonun at masine tua fag fangawat tinapay, deut ay ulibu at langis. We gfasud am kamasinean, ay kata o sik fun at mangena.

Esekyel 16:14

Kadungug o sas fagayu talun aroro masine o, aroro sa ku nafon emu nusnge wain. Au, Fun Dius Yawi taglong tuy.

Esekyel 23:32

“Anud, au, Fun Dius Yawi, glong au te, gfaurianan kban emu kata nu gfaurianan au am kaka. Ku faurianan kata sik mamam at matalinan si tagbia ay at tangabasad fag taya, ay nu nainum ban o, e gfalingun ban ay e kase emu aroro sanya wan ku dotama.

Esekyel 25:6

“Au, Fun Dius Yawi, glong au te, nauseganan am gfablangan ay daluap ay gtudtulbuan laman gfalingun am Israel.

Esekyel 5:15

Ay aroro sat kindasug sa ayu, tagligung ban ayu fag ngay talun at ngay taw gfapla ay gfalingun ay gsaruyan ayu. Ay ku faurianan ban sa ayu, sik famararang sa tagligung ayu fag ngay talun at ngay taw. Au, Yawi, taglong tuy.

Daniel 9:16

Em Fun, matuyan tuo, nu katanya gfainfanyuan au te, falyami wan nu kadotama o Erusalem, am nafili fag furuan ay fag buksul at yud e malong. Aroro siginan em ngay asalanan ay anggan em ngay mangaguyang at asalanan, ngay taw si em ngay ligung gfalingun Erusalem ay emi am ngay taw.

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Naum 3:19

Kata o sik taw at nabasingan yud kafia ya. Ay fagayu at nadungug at kinfasludan sa emu maksvn nu guseganan, aroro andotama o anya fagayu.

Sefanias 2:15

Katanya ban takafasludan sas furuan Ninibe, aroro kanya fagayu glong te, ‘We manamawayan emi ay we mafasud emi.’ Dewa katanya, kanya fag furuan umrasras wan, ay tagbanwan ban sanya, tagfangagat way lang fag ngay mela. Ay nusnga sinu ban tagdalan sanya gfalingun ay kase kafag furuan.”

Mateu 27:39

Ay kayu at nadalan sanya gfainsingian at alfuyu ay gfalingun anya te, “O wan at nalong te,

Markus 15:29

Ay kayu at nadalan sanya gfainsingian at alfuyu ay gfalingun Isus te, “E, o wan at nalong te, ‘Nanrasras kban Dius at bale ay mafatabu kway nu ntabu tuluk menit.’