Takabalu 2:14 - Fanawbuid tagsibaliwas Fakayabian

¹⁴ Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Takabalu 2:14 ပူးပေါင်းရင်းမြစ်များ

Isayas 58:1

Yawi nalong te, “Faksvni nu guro am ay lag gfaragang, kata budyung nu gawang! Longi sa ku ngay taw, Akub at ngay kasugfunanan at ngay asalanan ay at fakamaboun.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 20:6

Pasur, e nantaban ban emu gasfuan am ngay kalongan sas talun Babilunya. Ay sanya yangay ban nu kabul o ay nu gfoli am bilug, gasfuan am ngay fagadgalangan am fakamuagan.”

Eremyas 23:22

Laman ro kanya fagayu nu saful ku amatanganan, nalong wa nangus ku ngay longan sa ku ngay taw laman kanya fagayu gubun at ngay ugali ay at fakamulun at mauri.

Eremyas 23:36

abat ngate, taglong te, ‘E longan au siginans Yawi.’ Aroro tibak taw glong takatanya laman at ngay iba gafanud anya, nu katanya, kanya fagayu gfayud way e masuad tagleleg fag Dius, Yawi at Mabalyanan, at longan.

Eremyas 28:15

Sanya ginan, Eremyas nalong sas Kananya fag taglong te, “Dungugani! Yawi wa nasugu emu, dewa katanya, tuy fag talun nafanud sam fakamuaganun.

Eremyas 29:21

Katatuy Yawi at Mabalyanan, Israel at Dius, at longan sabaliwas Akab, Kulaya at baguama ay Sedekya, Maaseya at baguama: “Kanya fag duama nalong ku ngayan laman kamuagan garingang sa ayu. Nu katanya, namon au duama sas fun Nabukudunusur ay kanya namabul kafag duama si ay daga salubangan.

Eremyas 37:19

Dada wan ay ngay taglong taginsaful te, fun Babilunya ban wa namawayan tuy fag furuan?

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Esekyel 13:22

“ ‘Siginan ay fakamuaganun nafae fakabaluun am at matuyan fag ngay taw, ay kdi oma batang gfae fakabaluun anya fagayu. Nafaksvn am at mauri fag ngay taw at amatanganan laman gfataglayun sat fagmauriun, siginan nu gfatuyanan am sa anya fagayu te, malangfe am siginans fakabulun.

Esekyel 22:25

Ay at ngay tagfangguna at ngay algan mauri, kata ngay liun nu gngarngar ay nu gyukfu at fagnangagatun. Kanya fagayu kamabul, ay gfangkamul ngay ramraman ay nusnga setaw at mafanud, ay sit furuan ngayu at kinfagbubayun aroro e kamabul.

Esekyel 22:28

Kafag ngay taw at ngay taglong gsuksuk at asalanan siginan nu gtaginfan ay nu ginsaful yud matuyan. Ay kanya fagayu kamuagan te, at ngay longan siginans Yawi.

Esekyel 23:36

Yawi gdog yay nalong angku te, “Taw at baguama, insafuli Ula ay Uliba. Namalag o sa kafag duksay te, at nafakamulun maksvn nu mauri.

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Mikas 3:8

Dewa katanya, Yawi at Falad si tua gugat angku, kanya gfon angku fagmabalyananun laman mafafasludan au at matuyan, ay gfabitsug tua ku amatanganan laman mafafoyung au te, ngay taw Israel ay taw Uda gasalanan.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.