Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.
Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.
Yawi nalong te, “Babilunya, umlunggung ban o sasad lukbu, ay wa ban o e fagfagtainanan ya. Ebi kata oma o sik maylat fag baguina, ay katsi wo katanya ya.
Sanya ginan, kanya fagayu glong te, “Nataw ya tam fagfanyaun? Gewan, glagyu watam sat maaladan fag ngay furuan ay nangabul tam sanya. Aroro Yawi tam Dius namabul wan antam, kata nu gfainum antam at maganga fag mamam, aroro anke asalanan tam sa anya.
Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.
Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.
Ebi fag ngay taw takon tua gugat at mataba, katsi gakabulun wan sas fanlunus si sangay dalan. Ay at kin-gurang sas fagmaramramanun, katsi gfanrvbvyan way lang sas wa nakaurian.
Ay kanya ban fagayu gsulun saku ay gufo at ngay buk laman gfalag te, maksvn nu kabalu. Ay tiba ban ktaw nu glag kafag ngay taw at kamatan, tanan way lang ngayu kabalu ay kalimu.
Ginanya ban fag menit, ay alubad at mauseganan sis Yawi at bale, umsik fakabaluun, aroro at ngay kinbul ban umrapyag nusnga nday. Ay nusdi sik aringang we kadungug ya. Au, Fun Dius Yawi taglong tuy.”
Ninibe at fun nu nadungug Unas at foyungan, kanya anlindug siginan at fagmalunggungan ay nabul at lanbung tagfatoglag te, sik fun, ay nasulun yangay saku ay nananmalunggung sas tagalukbuun fag daga laman gfalag te, gubun at asalanan.
Aroro siginans fakabaluun Uswe ay anggan at ngay fagtainan sis Israel nagirat at ngay lanbung, ay nafae lukbu at mesa alfuyu, ay anlub sis salubangan Fagsuadan Nasadian anggan andulum.
Ay kanya ban fagayu gwayway ay gfasat alfuyu dafug, fakatoglagan te kabalu, ay guro te, ‘Fangulan, fangulan, o fag furuan takadungug. Fagayu at ke sakayan lino, anramraman siginan am ramraman. Ay am ramraman nu kamin sik buknga way sirut!