Takabalu 1:8 - Fanawbuid tagsibaliwas Fakayabian

⁸ Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Takabalu 1:8 ပူးပေါင်းရင်းမြစ်များ

Fakasigadan 3:7

Ay dadwa nu naon kafag rawvg, nasaful wan at masine ay at mauri. Nu katanya, nasaful te, malulasan. Ay nabul sik ngay don ay nawat laman at fantabun at bilug.

1 Fun 9:6

“Dewa katanya, o ay am ngay kasugfunanan ban nu gtalyuyan way am angku, ay way ban am gfaning ku ngay foyungan ay ku nafon ayu fag ngay suguan, ay nu nafaning way ban am ay naseg tibak fagsegan,

1 Fun 9:7

gaiyan kban ngay taw Israel siginan ku nafon anya fag talun, ay gfayud kban e masuad tuy fag bale ku nafasaman laman ay fagnamauseganan angku. Ay fagayu ban taw kase gfalingun ayu fag ngay taw Israel.

1 Fun 9:9

Tibak taw ban gbalus te, ‘Aroro ste fag ngay taw nafamabo at ngay mangaguyang at Dius, Yawi, at nafaduksun anya fagayu siginans talun Igiptu, ay kanya fagayu nafaning ay naseg tibak fagsegan. Kanya wan Yawi at fagnafadasugun takatanya fag ngay fagidapun.’ ”

Isayas 47:3

Ay fagayu taw lumag nu malulasan o ay umkapla o. Namaurianan au emu ay kwa ban kafanyu ya emu.”

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 13:26

Namaksvn kban ay fakaplaun kata sik mangena at malulasan.

Eremyas 15:4

Fagayu ban talun at ngay taw sas fagdaul daga kasuya anya fagayu, aroro sas Manase, Esekyas at baguama, at nafakamulun sas furuan Erusalem ebi gina kanya gfunan sis Uda.

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Eremyas 6:28

Kanya fagayu kamabo ay kamaogatun, katugas sik ngay tansu ay sanbung fia. Ay kamalingun ay gfandaya at ngay iba.

Takabalu 1:11

Ngay taw Israel gidapan grvbvy at fakonun. Kanya fagayu nafabangsi at ngay ramraman sas fakonun laman gleleg. Erusalem glong te, “Yawi, damai tua angku, maksvn wan ku fakaplaun.”

Takabalu 1:17

Furuan Erusalem naet gubuk, dewa katanya, we nagubuk anya. Aroro Yawi naylat Akub at ngay kasugfunanan nu gfawayan ngay talun tagsit ligung. Tibak talun natuyan te, Erusalem maksvn nu mauri.

Takabalu 2:10

Ngay tagfangguna sis Erusalem maragangan malunggung sis daga, ay nafasat ngay alfuyu dafug, ay nasulun saku, laman gfalag te, kabalu. Ay at ngay baguina garungan aroro kapla.

Takabalu 4:21

Am fag ngay taw Edum tagbanwan sis Us, katsi useganani ay fanagsagi, aroro Yawi namaurianan yangay ban ayu. Umfaurianan yangay ban am ay umke fakaplaun.

Esekyel 23:29

Kanya ban fagayu kadotama ay namaurianan emu, ay nangagbilug ban fagayu am nainlufuyan. Kanya ban fag ngay taw gubun emu malulasan, ay ngay taw ban lumag nu malulasan o, ay am kayaunanan at mapla aroro sam fagmauriun nu kamatugtug o sa tibak taw.

Esekyel 23:46

“Au, Fun Dius Yawi at nasugu ngay taw sas duksay laman namawayan ay namalimu, ay nangago at ngay ramraman.

Esekyel 39:23

Ay tiba bank talun at taw sumaful yangay te, ngay taw Israel natabanan aroro anke asalanan siginan nu yud gfaning angku. Nu katanya, nafabayan kwan at ngay fawayan nu gfabul anya fagayu.

Usea 2:10

Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

Usea 2:3

Kanya nu dway gfaragang, namayud au e lanbung anya, kata gina bagu kasalug. Namakata au anya sik talun at yud e taw, ay gfabayan kwan nu kabul sas fakadanumun.

At Nafasure 3:18

Nu katanya, gfalu au ayu te, bayadi siginan angku sik gintu at kinfasine sis afuy, laman umsik maramraman am fia. Ay bayadi siginan angku sik lanbung malaksi laman gtabun ay fagmalulasanun at maksvn nu mapla. Ay bayadi yangay sik famafia ay mata, laman glag tuam fia.

1 Samwel 2:30

Au Yawi, Israel at Dius, ebi nafatuyanan au te, am mangaguyang way lang ban at ngay kasugfunanan at namakamulun sa angku laman sik ngay tagfon fanggalangun. Ay katsi duan ya, aroro gfauseganan au tagfauseganan angku, ay gfaurianan kway tagfauri angku.