Takabalu 1:21 - Fanawbuid tagsibaliwas Fakayabian

²¹ Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 1:21 ပူးပေါင်းရင်းမြစ်များ

Alubad. 35:15

Dewa katanya, nu au ngap at kinke fagidapun, kanya fagayu maful kadkasean, ay guseganan gfawayan angku. Ay anggan ku fagyudun toglag fag ngay taw nanangalo, ay kanya fagayu gfalingun gugat angku.

Alubad. 37:13

Dewa katanya, tam Fun kase way takatanya fag ngay taw, aroro kanya saful way te, munakbang wan kanya fag ngay taw nu gafaurianan.

Alubad. 38:16

Get au sa emu te, “Salagi ku ngay fawayan nu guseganan gfalingun angku, aroro anbaba au, kata nu yud e tungkul ya.”

Isayas 14:5

Yawi nafalyam wan at mauri fag ngay fun at fagmabalyananun,

Isayas 14:6

kanya fagayu ebi kadotama gugat ay gfaidapan ngay taw, ay maksvn nu gfaurianan tibak talun.

Eremyas 30:16

Dewa katanya, namaurianan kyangay ban at nafauri ayu, ay fagayu ban ay fawayan gatabanan. E namawayan yangay ban fagayu at nafawayan ayu, ay at nabul ay ngay fagagbilugun, e gbul yangay ban siginan anya.

Eremyas 48:27

Am, ngay taw Muab, o nunda wam nafalingun taw Israel? O nunda nalag am kanya nu gfangkamul? Wain ay fagfalingunun anya siginan nu gligbat am?

Eremyas 50:11

“Ngay taw Babilunya, naago am ku ngay taw at ngay ramraman, ay gfanagsag am ay guseganan kata sik tumad baka tina sis fagfafangonan ay kata sik kabayu tama tagfanagsag guni.

Eremyas 50:15

Am fag ngay talun, uroi faurii talun Babilunya! Damai, talun Babilunya nafababaun wan! Ay at ngay bale tangabat anrasras wan ay at ngay alad anrufa wan. Yawi nafasud sanya fag talun. Nu katanya, fasudi yangay anya ay fakamuluni kata at nafakamulun sa tiba.

Eremyas 50:29

“Fauroi ngay tagsaful gagbilug godun laman namawayan talun Babilunya! Nanligung am kafag furuan laman we malagyu ya. Namasud wam fia anya fagayu sat nafakamulun mauri. Namakamulun am kata at nafakamulun sat iba aroro nafawayan Yawi, Israel at Dius at yud e Malong.

Eremyas 50:31

“Au, ay Fun, Yawi at Mabalyanan, glong au te, o takamatungudun fag talun Babilunya, ku fawayan o! Aroro buknga wan nu gfaurianan au emu.

Eremyas 51:24

“Ku ngay taw, gfalag kban sa ayu nu gfasud au sas talun Babilunya ay sas fagayu tagbanwan sanya aroro mauri at nafakamulun sas furuan Erusalem. Au, Yawi, taglong tuy.

Eremyas 51:49

Rasrasi wan talun Babilunya, aroro kanya nafabul ngay taw Israel ay tiba yak taw sas fagdaul daga.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 1:22

Kanya fagayu nafakamulun at mauri; nu katanya, faurianani wan anya fagayu kata nu gfaurianan o angku aroro sa ku ngay asalanan. Malayun wan nu gfandeng au, ay kwa bangan gamatang ya ku bilug.”

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Takabalu 2:15

Ngay taw tagdalan ayu gifulan ay gfablangan at ngay daluap, laman gfalingun ayu. Kanya fagayu glong te, “O tuy oma fag furuan at nalong te, ‘We gtungud nu masine ay fagdaul daga at fagfanagsagun.’?”

Takabalu 2:16

Am ngay fawayan gfalingun emu, gifulan ay gfaringgit at ngay bagang ay glong te, “Katsi narasras watam furuan Erusalem! Katsi wan fag menit tam fagfanyaun, ay anfasludan wan!”

Esekyel 26:2

“Taw at baguama, ngay taw Tiru maksvn nu guseganan gina furuan Erusalem karasras. Kafag ngay taw glong te, ‘Ngay tagfalao at fagnamalaoan gugat fag furuan anrasras wan, nu katanya, kanya ban fagayu stae wan sa antam ay itam man ban takaramraman.’

Uel 3:14

Ngayu wan at ngay taw sis Fagfawabiluganan fag Datag, aroro munakbang wan Yawi at nafili fag menit nu namaurianan ngay taw.

At Nafasure 18:6

Fakamuluni sa anya kata at nafakamulun sa ayu, ay nu setain at nafakamulun sa ayu, fasudi dua ginan. Nu seyuk taya mapnu at nafakamulun sa ayu at mauri, fasudi sa anya duak kayu nya.