Takabalu 1:20 - Fanawbuid tagsibaliwas Fakayabian

²⁰ Yawi, damai tua nu gidapan au! Maksvn nu gafanawa au aroro nafadotama au emu. Sa ku ngay dalan ay anggan sa ku basad bale e gfadfabulan wan.

Takabalu 1:20 ပူးပေါင်းရင်းမြစ်များ

Ub 30:27

Nu katanya, tagfamomuy ku amatanganan wa karagang ya, ay kayu menit fagidapun way lang takadasug sa angku.

Ub 33:27

Ay nu katanya, kanya malong tua sa sangay taw te, ‘Nasalan au ay nafakamulun au at yud matuyan, dewa katanya, kdi anfaurianan kata at faurianan ma sa angku.

Alubad. 22:14

Ku fagmabitsugun namin wan, kata sik mamam at kinkugwag. Ay ku ngay bini kata wa nu nsaruy siginans ngay lufuan. Ay nu gamatang au katinas kwan kata sik lune.

Alubad. 38:8

Ku bilug gmomuyan, kata nu nafalangan au. Ay gfandeng au aroro gidapan au gamatangan.

Fangatulun 28:13

Nu dway o naubun am ngay asalanan, wa ban manabayan nu gbanwan o, dewa katanya, nu nafoyung tuo ay naubun am ngay asalanan, Dius gfalyam.

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

Isayas 38:14

Naet au gubuk at kaksvnan nu garingang au, kata way lang sik alfasang ay mannga sik baratingan nu guni. Ay gfandeng au kata sik labikung nu guni. Ku mata kalufuy wan nu gtangda banwa. Yawi, gubuki wan angku; maksvn wan nu gidapan au.

Eremyas 14:18

Ay nu nalao au sas fagtanuman ay sas furuan daul, nalag au at ngay kinbul sis awayan ay sis fanlunus. Ngay taglong ay ngay takamoyung gfataglayun nu gfakamulun, dewa katanya, wa saful at ngay fakamulun.’ ”

Eremyas 14:20

Yawi, nasaful ami te, anke asalanan ami kata em ngay mangaguyang. Anud, anke asalanan ami sa emu.

Eremyas 2:35

glong wayam te, ‘Wami e asalanan. Yawi wa kauri emi!’ Matuyan, namaurianan kban ayu aroro nalong am te, ‘Wami e asalanan.’

Eremyas 3:13

Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 4:19

“Kwa magwanta ya gamatangan ku ngay fagidapun at kaksvnan nu maidap. Ku dubdub gsubsubuan ay kwa kagwanta ya. Aroro nadungug au sik budyung at awang ay sik uro siginans fagawayanan.

Eremyas 48:36

Nu katanya, maksvn nu gwayway au sa ku amatanganan laman sa sangay taw Muab ay sa sangay taw Kir-Kareset, kata at mabaluanan fag awang laman sat kinbul. Ay nalyam wan at ngay ramraman.

Takabalu 1:11

Ngay taw Israel gidapan grvbvy at fakonun. Kanya fagayu nafabangsi at ngay ramraman sas fakonun laman gleleg. Erusalem glong te, “Yawi, damai tua angku, maksvn wan ku fakaplaun.”

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 2:11

Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Esekyel 7:15

Fagayu ban at naduksun siginans furuan daul umbul sas awayan, ay fagayu ban tagsisad furuan daul umbul sas fakasaitun ay sas fanlunus.

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Deuterunumyu 32:25

Ay ngayu ban takabul sat ngay day bale siginans awayan, ay dewa ban sit basad bale umke malimu. Ay fagayu ban baguama ay baguina, ngay mafagtainan, ay anggan ngay sisian kabul wan.