Takabalu 1:19 - Fanawbuid tagsibaliwas Fakayabian

¹⁹ Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 1:19 ပူးပေါင်းရင်းမြစ်များ

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 4:30

Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Takabalu 1:11

Ngay taw Israel gidapan grvbvy at fakonun. Kanya fagayu nafabangsi at ngay ramraman sas fakonun laman gleleg. Erusalem glong te, “Yawi, damai tua angku, maksvn wan ku fakaplaun.”

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 2:20

Yawi, damai tua emi. Amatangani nu sinu am fagfauriananun. At kaksvnan nu kalunus ami, at ngay mina naon wan at ngay ngenge. Ay nafabul wan ngay tagfon fanggalangun ay ngay taglong sim bale.

Takabalu 4:17

Gyawyawa wan nu kamanawan ami at kadugean nu gfanya ami em ngay fagadgalangan fag talun nu ggubuk emi. Ay gulit ami gugat si em fagulitan laman gfanya em ngay fagadgalangan fag ngay talun at yud ngap makatu gfalangfe emi.

Takabalu 5:12

Ay nasiuk em ngay tagfangguna at ngay take ay narabing sa sangay kayu, ay wa nasuyu ya em ngay fagtainan.