Takabalu 1:18 - Fanawbuid tagsibaliwas Fakayabian

¹⁸ Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Takabalu 1:18 ပူးပေါင်းရင်းမြစ်များ

1 Fun 13:21

ay kafag taglong nalong sas Dius at fagsuguan tagsiginans Uda te, “Katatuy Yawi at longan: ‘Nafamabo o am Dius Yawi ay wo nafaning at suguan emu.

Esra 9:13

“Em Dius, nafaurianan o emi, aroro sa em ngay asalanan. Ay am faurianan sa emi kurang yay laman famayad sa em ngay nafakamulun at mauri, dewa katanya, naylat tuo nu kae sawad ami.

Nemyas 9:26

“Dewa katanya, kanya fagayu kamabo yay gugat ay gasalanan sa emu. Ay natalyuyan am ngay suguan, ay nafabul am ngay taglong takaylat kafoli sa emu, ay maksvn nu kauri emu.

Nemyas 9:33

Matuyan gfaurianan o emi. Ay matuyan yangay o sa emi, dewa katanya, sik ngay tagasalanan waymi.

Alubad. 107:11

aroro kanya fagayu nafamabo Tiba Tungud fag Dius, ay wa nafaning at ngay foyungan.

Alubad. 119:137

Yawi, matuyan tuo, ay matuyan yangay am ngay faugali.

Alubad. 119:75

Yawi, nasaful au te, am ngay faugali matuyan, ay aroro matuyan o, nafaurianan o angku laman sumaful au at matuyan.

Alubad. 145:17

Yawi, fagayu am balyawvtan matuyan, ay sas fagayu am fakamulun, mafangafanyu tuo.

Nu Galin 9:27

Ay Igiptu at fun nafauro Muisis ay Arun, ay nalong sa anya fag dua te, “Katsi natuyan kwa te, au wan at nasalan. Yawi tua at yud e malong, ay ami way ku ngay kaiban at nasalan.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Eremyas 4:17

Kanya fagayu naligung furuan Erusalem kata ngay taw tagalaga tanuman, aroro kafag furuan nafamabo angku. Au, Yawi, taglong tuy.

Eremyas 49:12

Yawi nalong yay fia te, “At yud e asalanan nu gidapan way, o am ro wam gidapan? Matuyan gfaurianan kban ayu.

Takabalu 1:12

Ay kanya glong sa sangay tagdalan anya te, “O batang wam e fagidapun takaksvn ku fagidapun katsi? Yawi nafadasug sa angku takatatuy fag fagidapun, aroro kadotama angku.

Takabalu 3:42

“Yawi, anke asalanan ami ay nafamabo emu, ay wo nafalyam ya em asalanan.

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Daniel 9:7

“Em Fun, matuyan tuo, dewa katanya, dasug katsi tagsi emi fakaplaun way. Anggan ngay taw Uda ay Erusalem, ay anggan fagayu taw Israel am nafarapyagan sa sangay talun at munakbang ay tangayayu aroro nafamabo emu.

Amus 8:13

Gina kban gfaurianan ayu fag menit, ay ngay baguina at masine ay ay ngay baguama at maseganama ummomuy aroro maksvn nu kadanum.

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Ruma 3:19

Katsi nasaful tua tam te, Muisis at Faugali at foyungan laman sa antam fag ngay taw Udyu tagafagsuguanan kafag Faugali at fagmabalyananun, laman nusnga sinu ban fag taw di e fanlonganan, ay fagayu taw sas fagdaul daga nansalubang sas Dius.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Tagfangguna 1:7

Aduni-Besek nalong te, “Ebi, nalifung au fituk safuluk fun at sumyu tama daluap ay at sumyu tama darafa, ay kanya fagayu kamuyutan ngay nagfatongan si ku daga fagfangonan. Ay katsi, Dius gfasud kata ku nafakamulun at mauri sa anya fagayu.” Ay Uda at ngay kasugfunanan nataban Aduni-Besek sas Erusalem ay sanya wan nu gfabul.

1 Samwel 15:23

Fakamaboun sas Yawi gsud yay nu mauri fagfangufitun, ay takamaogatun nu mauri gsud yay tagseg tibak fagsegan. Aroro wo nafaning Yawi at longan, kanya wa kaylat ya emu laman ngay taw Israel at fun.”