Takabalu 1:17 - Fanawbuid tagsibaliwas Fakayabian

¹⁷ Furuan Erusalem naet gubuk, dewa katanya, we nagubuk anya. Aroro Yawi naylat Akub at ngay kasugfunanan nu gfawayan ngay talun tagsit ligung. Tibak talun natuyan te, Erusalem maksvn nu mauri.

Takabalu 1:17 ပူးပေါင်းရင်းမြစ်များ

1 Fun 8:22

Fun Sulumun nananmalindug sis salubangan fagirugan fanggalangun laman sas Yawi, sis fagunan ngay taw Israel at fagmafulun, ay nafabat at ngay take sabaliwas banwa,

1 Fun 8:38

ay am ngay taw Israel nu gdarangin tua ay nu get tua gubuk aroro sat fagidapun ay nu gfalugde tua at daluap ste fag bale,

2 Fun 25:1

Sis fasafuluk menit, sis fasafuluk magdanun sis fasiamk banwa fun Sedekya nu gfunan talun Uda, Nabukudunusur talun Babilunya at fun ay fagayu at ngay tagfawayan anful sis day furuan Erusalem ay nafabungsud lutuk sis fun alad laman at fagsakboan.

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Isayas 54:11

Erusalem, kata fulug nu nadalan emu. Ay gina o gidapan maksvn, we nafasun ya ay e nafabitsug emu. Dewa katanya, gdog kyay namawat emu sat mogat fag fagfatungkudan turuk at mawatan siginan at mameloan fag ngay gang, ay namae dingding kban emu siginan at mafanud fag ngay gang gmedmeloun.

Eremyas 12:9

Ku nafili fag ngay taw anke fagmauriun maksvn sa angku, ay ankata sik tagfaninduk fag ngay manuk tungud. Ay tibak manuk tungud tagfaninduk naligung anya fagayu. Ay namasanya au at madot fag ngay mela laman nangon anya fagayu.

Eremyas 15:5

Ngay taw Erusalem, sinu yaro takafanyu ayu? Sinu yaro at nanwayway laman sa ayu? Ay sinu yaro at nanginto sabaliwa ay kayaunanan?

Eremyas 16:6

Kanya ban fagayu nangabul ste fag daga, dewa at maramraman ay at yud e kwa, ay wa ban e namoli ya anya fagayu. Ay wa ban e gfilas ya at sadili ay gfaufo at alfuyu laman gfalag te, kabalu.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Eremyas 6:3

Ngay tagfangguna ay at ngay tagfawayan nanligung furuan Erusalem. Kanya fagayu nangawat at ngay bale ramit nusnga nday at fakaylatun.

Eremyas 8:18

Sanya ginan, Eremyas nalong te, Wa kafalyam ya ku fakabaluun. Maksvn nu gidapan au gamatangan.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 1:19

Naet au gubuk sa ku ngay fasudsunan, dewa katanya, kanya fagayu natalyuyan way angku. Ku ngay tagfon fanggalangun ay ku ngay fagtainan furuan, anbul wan gina grvbvy at ngay fakonun laman gfataglayun gleleg.

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Takabalu 1:21

Ngay taw nadungug oma nu gfandeng au, ay dewa katanya, we nafasun angku. Ku ngay fawayan nadungug nu gfaidapan o angku, ay kanya fagayu guseganan way. Yawi, faurianani wan anya fagayu laman umke fagidapun yangay kata angku.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 4:15

Ngay taw guro sa kafag ngay tagfon fanggalangun te, “Ayayui wan! Masuya wayam. Lag am gted emi.” Nu katanya, kanya fagayu nalao wan sa tibak talun, dewa katanya, we naylat anya fagayu.

Esekyel 36:17

“Taw at baguama, ebi ngay taw Israel gina gbanwan sit talun, kanya fagayu nafasuya at talun siginan at mauri fag ngay fakamulun. Kafag ngay taw at ugali masuya kata mangena gina gfangigusan.

Usea 8:8

Ngay taw Israel kata nu naonan tibak talun. Katsi kanya fagayu gfasuglatan way lang sanya fag ngay talun, kata way lang at yud e fanambagun fag fagagbilugun.