Takabalu 1:15 - Fanawbuid tagsibaliwas Fakayabian

¹⁵ Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Takabalu 1:15 ပူးပေါင်းရင်းမြစ်များ

2 Fun 9:33

Yeu nalong sanya fagayu te, “Fatongi anya!” Ay kanya fagayu nafatong Esebel. Ay ngay kabayu nasiad anya, ay at taguk naramsig sas alad ay sa sangay kabayu.

Alubad. 119:118

Naiyan wo ngay taw at yud gfaning am ngay foyungan. At mafanud we tungkul kanya fagayu at famalingun.

Isayas 28:18

Dewa katanya, wa ban e tungkul ay nasadian sas fakabulun ay ay nasadian yangay sa sangay kinbul at talun. Aroro gafaurianan ban am gina ngay faurianan andasug kata sik lugwak.

Isayas 41:2

Sinu at nafili sik tagbabo siginans fakamenitan laman kanya gbabo nusnga nday? Ay sinu at nafagbilug sa anya ngay fun ay ngay talun at ngay taw? Kanya nafakata lukbu at ngay fawayan siginan at fiso, ay nafakata sik upa siginan at godun.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 63:3

Yawi nabalus te, “Aroro andotama au maksvn naturis kwan ngay talun at taw kata sik rawvg ubas. Sesadi kway at naturis. Nu katanya, ku lanbung natagukun.

Eremyas 13:24

Yawi nalong te, “Namarapyag au ayu kata tagmara tagsiginan at yud e taw fag talun, nu gfalayug ngay upa.

Eremyas 14:17

“Eremyas, nanlong o sa sangay taw te, ‘Kayu menit ay yabi, wa karagang ya nu gwayway au aroro maksvn wan ku ngay taw at ngay bangbang, ku natuyan fia te, ku baguina, ay maksvn wan nu kabalu au anya fagayu.

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 37:10

Dewa ban am nababo talun Babilunya at ngay tagfawayan fagayu at nafawayan ayu, at sawad ban sit ngay bale dewa at nabasingan way lang, kanya ban fagayu namawayan yay fia ayu, ay nangirug ay furuan.’ ”

Eremyas 50:26

“Am, at namawayan talun Babilunya siginan tangayayu fag talun, fawayani wan! Ay luangi at ngay bale famoy. Ay fabungsudi ay nagrufan kata nu gfaful at gutluan. Famini wan taw Babilunya ay lag gfae sawad ya.

Eremyas 51:34

Ngay taw Erusalem glong te, “Nabukudunusur talun Babilunya at fun kata sik ule daul naon emi. Ay kanya nafapsug anya em ngay ramraman, ay naubun wan em furuan ay we nafasawad ya nusnge wain, kata way lang sik tikung at yud e bilug ya.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Takabalu 2:21

Ay at kinbul fag ngay sisian ay fag ngay fagtainan grapyagan si sangaba dalan. Ay anggan ngay baguama ay ngay baguina anbul sis fagawayanan. Andotama o anya fagayu, nu katanya, wo nfanyu ya gfabul.

Takabalu 3:34

Tiba Tungud fag Dius wa kaylat nu e gfauri ngay taw at maubungan,

Daniel 3:13

Ay fun Nabukudunusur nu nadungug takatanya, maksvn nu kadotama. Kanya nafauro kafag tuluk baguama.

Uel 3:13

Kanya fagayu kata sik faggutluun at masine kagutlu, ay mannga kata sik ubas at rawvg at masine gturis, aroro ankapnu wan sa sangay fagturisan. Kanya fagayu maksvn nu mauri; at ngay asalanan kata sik naturis fag rawvg ubas tagsawe wan sit ngay fagsuadan.”

Mikas 7:10

Ay tam ngay fawayan ban nu nalag takatanya, umkapla. Aroro ebi kanya fagayu nafalingun antam, glong te, ‘Dada wan ay Dius Yawi?’ Ay kadasug ban sik buknga, lumag tam kanya fagayu nu gafaurianan. Ay kanya ban fagayu umkata ngay lifak sa sangaba dalan ngay taw at fagsiadun.”

Malakyas 4:3

Gina kban gfafasludan takatanya fagayu, gfabul ban am fagayu taw at mauri kata nu gsiad am lukbu.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.

Ebreu 10:29

Kaugat wa ban nu gafaurianan sik taw nu nafauri way Dius at Baguama, ay at yud gfae tungkul at taguk at nafasine tam nasadian sas Dius, ay at nafalyam kafag taw at ngay asalanan, ay taglong at mauri sat Masine fag Falad tagfadasug Dius at fagmagalangun.

At Nafasure 19:15

Ay siginan at bibig naduksun sik fiso at maglat tagsumbalian at uyup, laman namasing fagayu talun at ngay taw. “Kanya gbitbitan sanbung fag famalang ay gfagtainan kafag ngay taw.” Ay kanya nansiad at fagturisan ubas, laman gfalag sa anya fagayu te, Dius at mabalyanan maksvn nu kadotama.

Tagfangguna 10:8

Kaduge labi waluk banwa, kanya fagayu nafaidapan ngay taw Israel sis Gilyad sis Liskung Urdan at fakamenitan baliwa, si sangay taw Amur at fagbanwanan.