Takabalu 1:14 - Fanawbuid tagsibaliwas Fakayabian

¹⁴ Kanya nafaful fagayu ku asalanan ay nafafasanan sa angku, ay kanya wa fagayu at nafatabanan angku. Fun Dius nafamomuy angku, ay nafababawan angku sa ku ngay fawayan ku fagyudun makatu gfawayan.

Takabalu 1:14 ပူးပေါင်းရင်းမြစ်များ

Fangatulun 5:22

Ay at mauri fag taw nafaylatan kafag mangena at fagmauriun, kata nu nangasangdaw sa sik litag.

Isayas 14:25

Namamin kban fagayu taw Asirya tagsi ku talun Israel, ay nansiad kban tagsanya fag ngay buksul. Namalfas kban ku ngay taw siginan at fagafagsuguananun.

Isayas 47:6

Andotama au ku ngay taw ay naiyan au anya. Nu katanya, nafababawan au sa emu ay wo nfanyu ya. Ay nafaidapan o anggan at mafagtainan.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 27:12

Ay nalong kyangay sas Sedekya, Uda at fun te, “Faningi Babilunya at fun. Fakamuluni sa anya ay sat ngay taw laman ban gleleg tuam.

Eremyas 27:8

“ ‘Dewa katanya, sik talun ban at ngay taw ay sik fagmafunanun way kaylat gfababaun ay gfaning fun Nabukudunusur, talun Babilunya at fun, namaurianan kban kanya fag talun at ngay taw sas awayan, fanlunus, ay fakasaitun yakmay kban nafagbilug kanya fagayu sas fun Nabukudunusur. Au, Yawi, taglong tuy.

Eremyas 28:13

“Loi sas Kananya ay nanlong o sa anya ku longan te, ‘Nagatvng wo fantungud liug fag kayu, ay nantubus au sik sanbung fag fantungud liug.

Eremyas 28:14

Au Yawi at Mabalyanan, Israel at Dius, glong au te, gfafunguan kban fantungud liug fag sanbung sas fagayu talun laman kanya fagayu gfakamulun sas Nabukudunusur, Babilunya at fun. Ay namagbilug kyangay ban sa anya anggan tagsis talun fag ngay mangilafang.’ ”

Eremyas 32:3

Fun Sedekya naubung anya aroro sat nafoyung. Eremyas nalong te, “Katatuy Yawi at longan: Gfon kban ay gfagbilug tuy fag furuan sas talun Babilunya at fun.

Eremyas 32:5

Namataban kban fun Sedekya sas talun Babilunya ay kanya ban gbanwan sanya yakmay ban antabu gfaurianan anya. Dewa ban am gfawayan ngay taw Babilunya, wa ban am gbabo. Au, Yawi, taglong tuy.”

Eremyas 37:17

Ay nu glugo wan, fun Sedekya nafauro Eremyas ay nataban sat bale ay ginas ginto anya te, “O e foyungan o siginans Yawi?” Ay Eremyas gbalus anya te, “Sabv, gfagbilug ban emu sas talun Babilunya at fun.”

Esekyel 11:9

Nangaiyan kban ayu siginan ay furuan, ay gsugu kban tibak taw laman nantaban ay namaurianan ayu.

Esekyel 21:31

Namadasug kban sa ayu ku dotama, ay namagbilug kban ayu sa sangay taw tagsaful gfabul.

Esekyel 23:28

“Au, Fun Dius Yawi, glong au te, namagbilug kban emu sam naurian ay am naiyan fag ngay taw gina o anfanud gfataladan anya.

Esekyel 25:4

Nu katanya, namagbilug kban ayu sa sangay taw tagbanwan sas fakamenitan baliwa ay kanya ban fagayu gagbilug ayu. Kanya ban fag ngay taw kawat at bale si ay talun ay namanwan ban sanya. Ay kanya ban fagayu kon ay tanum at rawvg ay ginum ay fagbaugun at susu bilug.

Esekyel 25:7

Aroro nafakamulun am takatanya, namaurianan kban ayu siginan nu gfabayan au tibak talun nu namul ay ngay fagagbilugun. Namamin kban ayu ay sumaful ban am te, au Yawi.”

Usea 5:14

Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Mikas 2:3

Nu katanya, Yawi glong sa ayu te, “Dungugani! Namaurianan kban ayu ay wa ban am umlangfe, ay wa ban am mafamatungudun ya.

Deuterunumyu 28:48

ay kanya ban namataban ayu sa ay ngay fawayan ay kabavn ban gfakamulun am laman sa anya fagayu. Kalunus ban am, ay kadanum, ay gayudan ay ngay lanbung, ay kamin ban fagayu nusnga setaw ay fagagbilugun. Kanya ban fagayu gfaidapan ayu yakmay ban am anbul.