Tagfangguna 8:4 - Fanawbuid tagsibaliwas Fakayabian

⁴ Nu katanya, Gidyun ay at tagfawayan fag tuluk sandan nadife Liskung Urdan. Ay dewa maksvn nu kalufuy, gfataglayun yay nu gfafalo at ngay fawayan.

Tagfangguna 8:4 ပူးပေါင်းရင်းမြစ်များ

2 Kurintu. 4:16

Nu katanya, di kamomuy em amatanganan. Ay em bilug dewa garimanan wan kamomuy, kayu menit kabitsug tua em amatanganan.

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Tagfangguna 7:25

Ay kanya fagayu nagamat Ureb ay Seeb, ngay taw Midyan at fun tagfawayan fag dua. Ay nafabul Ureb si sik gang at nafangayan te, “Ureb fag Gang,” ay nafabul yangay Seeb sis fagturisan wat ubas at nafangayan te, “Seeb fag fagturisan rawvg ubas.” Ay ngay taw Efraim gfataglayun nu gfafalo ngay taw Midyan. Sanya ginan, kanya fagayu nabuba Ureb ay Seeb at alfuyu sas Gidyun sas dife Liskung Urdan.

Tagfangguna 8:3

Dius nafababo ayu sas Ureb ay Seeb, taw Midyan at fun tagfawayan fagdua. Nataw ku nafakamulun laman kafaladlabian katanya?” Gidyun nu nalong takatanya, ngay taw Efraim wa kauri ya.

1 Samwel 30:10

ay at duak sandank tagfawayan anfamato sanya aroro kalufuy wan. Ay Dabid ay at tagfawayan fag ufatk sandan nataglayun namafalo at ngay fawayan.

1 Samwel 30:8

ay Dabid nainto sas Yawi te, “O namawayan kyay em fawayan at nanangirug em furuan? O ay gbabo ktua ro?” Yawi nabalus te, “Kin! Namawayan am, ay gbabo ro am, ay gfalangfe ro am fagayu at natabanan.”