Tagfangguna 7:2 - Fanawbuid tagsibaliwas Fakayabian

² Yawi nalong sas Gidyun te, “Ngayu am ufud. Kanya ro fagayu nu nababo at ngay fawayan gamatangan te, nababo ami taw Midyan siginan em sadili fagmakatuun, ay bunwa siginan angku.

Tagfangguna 7:2 ပူးပေါင်းရင်းမြစ်များ

Fakasigadan 46:2

Ay ginanya fag yabi, Dius nafakamatoan anya siginan sik taginfan te, “Akub, Akub.” Ay Akub nabalus te, “Wain?”

2 Krunika 14:11

Sanya ginan, Asa nadarangin sat Dius Yawi te, “Yawi, we makatu ggubuk ngay taw at yud e fagmakatuun, laman namawayan sa sangay taw at ke fagmabalyananun, nu bunway o way lang. Yawi, em Dius, gubuki emi, aroro o way lang em fagsegun, ay sam ngayan, nalao ami stae laman namawayan in fag ngay tagfawayan ngayu. Yawi, em Dius, lag o kaylat ngay taw nu gbabo emu.”

Isayas 10:13

Aroro Asirya at fun nalong te, “Nafakamulun au takatanya, siginan ku fagmabitsugun ay ku fagsafulun. Nagbilug au ngayuk talun ay at ngay ramraman. Maseganama au ay nababo kwan kafag ngay talun at ngay fun.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:17

Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Esekyel 28:17

Kamatungudun o aroro sam fagmasineun, ay nagbilug o am fagsafulun sat mauri fag fakamulun. Kanya wan ku fagnafababaun emu sas daga si sangay fun at daga salubangan, laman at famararang sanya fag ngay taw.

Esekyel 28:2

“Taw at baguama, nanlong o sas Tiru at tagfangguna te, ‘Au, Fun Dius Yawi, glong au te, kamatungudun o glong te, sik dius o, malunggung o sit faglunggungan sis fagngabasadan dagat. Dewa katanya, at matuyan, dewa o gtuyan te, sik dius o, sik taw way o ay bunwa o sik dius.

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Abakuk 1:16

Aroro ngayu at nataban, kanya fagayu kamatungudun at ngay fagmakatuun kata sik tagfangalbon nu gseg at fanggamat, siginan nu gfon at mabebanglu fag fanggalangun sat fanggamat. Siginan at fanggamat, kanya anke ngay ramraman ay anke ngay fakonun.

Sakaryas 12:7

Ku fagnamababoun taguna, tibak furuan sis talun Uda, laman Dabid at kasugfunanan ay ngay taw Erusalem at fagmasineun wa nantungud talun Uda.

Sakaryas 4:6

Kanya glong sa angku te, “Katatuy Yawi at longan am fagnanlongun sas Serubabel: ‘Serubabel, bunwa ban siginan am fagmabitsugun ay am fagmabalyananun nu gfawat o ku bale, nu bunway siginan tua ban ku Falad.’

Tap 31:4

Galay sik kasugfunanan, sugui sadik libuk taw sas fagawayanan.”

Ruma 11:18

Dewa katanya, lag am kamatungudun te, gtungud tuam at kin-gatvng fag ngay sanga. Amatangani te, bunwa am tagfaleleg at lalid, nu bunway at lalid tua tagfaleleg ayu.

Ruma 3:27

Wa tam masine ya kamatungudun, aroro Dius nu gtuyan antam kata nu yud tam e asalanan bunwa siginan nu gfaning tam Muisis at Faugali nu bunway siginan tua tam fagafanudun sas Isus.

2 Kurintu. 4:7

Kafag ramraman siwa emi, ay ami kata waymi at fagsuadan fag tikung laman gfatoglag ami sas fagayu taw te, at yud e gtungud fag fagmabalyananun wa siginan em sadili, nu bunway siginan tuas Dius.

Efesu 2:9

ay bunwa siginan ay nafakamulun at masine. Nu katanya, we taw mafamatungudun sat nafakamulun.

Deuterunumyu 32:27

Dewa katanya, kwa kaylat at ngay fawayan nu kamatungudun glong te, ‘Nababo tam anya fagayu, ay bunwa Yawi at nafakamulun takatanya.’ ”

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”

Deuterunumyu 8:18

Ay amatangani tua te, ay Dius Yawi at nafon ayu fagmakatuun laman karamraman am, kanya nafakamulun katatuy laman gfafasludan at nasadian sa ay ngay mangaguyang kata at nafakamulun katsi.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”

1 Samwel 14:6

Yunatan nalong sa tagbuba at famawayan te, “Glao wata sa sangay taw Filistia at fagmafulan, sa sangay taw at yud gtoglag Dius. Yawi ro manga ggubuk tua anta. Ay nu Yawi tua at fakaylatun nu gbabo tam, deyud man tam ngayu, we mafaragang at algan.”