Tagfangguna 6:3 - Fanawbuid tagsibaliwas Fakayabian

³ Galay ngay taw Israel gtanum fag buknga, ngay taw Midyan, ngay taw Amalek, ay tiba yak taw tagsiginans fakamenitan baliwa namawayan ngay taw Israel.

Tagfangguna 6:3 ပူးပေါင်းရင်းမြစ်များ

Fakasigadan 29:1

Akub gfataglayun glao yakmay andasug sas fakamenitan baliwa fag ngay afud daga.

1 Fun 20:27

Ngay taw Israel anful yangay, ay nafalganan at ngay fagayudanun, ay naduksun laman namawayan ngay taw Aram, ay anful sat salubangan. Ay taw Israel at kayuan kata way duak fulan kambing nu maful, ay ngay taw Aram mafagdaul tua datag.

1 Fun 4:30

At fagmamatanganun gtungud tua sas fagayu taw tagsis fakamenitan ay at ke fagsafulun fag ngay taw sis talun Igiptu.

1 Fun 5:10

Nu katanya, Kiram nafon sas fun Sulumun at fakaylatun fag ngay kayu sidru ay sipres.

Ub 1:3

Ay e fituk libuk tupa ay e tuluk libuk kamelyu ay e limak sandank dadwa baka, ay e limak sandank asnu tina ay ngayu at fagsuguan, ay kanya wan at maramraman sas fakamenitan baliwa fag talun.

Ub 31:8

tibai wa nangus ktaw takon ku natanum, ay umgulad wa nangus ku ngay fananumun.

Nu Galin 17:8

Ay ngay taw Israel gina yay sis Refidim, ngay taw Amalek namawayan.

Isayas 11:14

Ay kanya ban fag ngay taw masadi nu namawayan ngay taw Filistia sas fakayabian, ay anggan ngay taw tagsas fakamenitan, nangago at ngay ramraman sanya ginan fag ngay talun. Ay kanya ban nangagbilug ngay taw Edum ay Muab, ay namagtainan ngay taw Amun.

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Eremyas 49:28

Katatuy Yawi at longan sabaliwas Kedar ay Kasur at ngay fagfagtainanan, Nabukudunusur, Babilunya at fun, at nagbilug: “Falganani ay namawayan am Kedar. Famini wan kanya fag ngay taw tagbanwan sis fakamenitan.

Esekyel 25:3

Nanlong o sa sangay tagbanwan sanya te, dungugani angku. Au, Fun Dius Yawi, glong au te, gina e grasras talun Israel ay gina e gtaban ngay taw Uda, guseganan wayam.

Esekyel 25:4

Nu katanya, namagbilug kban ayu sa sangay taw tagbanwan sas fakamenitan baliwa ay kanya ban fagayu gagbilug ayu. Kanya ban fag ngay taw kawat at bale si ay talun ay namanwan ban sanya. Ay kanya ban fagayu kon ay tanum at rawvg ay ginum ay fagbaugun at susu bilug.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Mikas 6:15

Ay dewa ban am at natanum, bunwa ban am taggutlu. Ay dewa ban am gturis ulibu at rawvg, bunwa ban am at nangagbilug kafag langis. Ay gturis yangay ban am rawvg ubas, dewa katanya, bunwa ban am taginum.

Deuterunumyu 28:51

Kanya ban fagayu gfamin ay ngay fagbaugun ay ay ngay gutluan yakmay ban am anbul. Kanya ban fagayu we fasawadan ay ngay trigu, mamam malangu ay langis ay anggan ay ngay fagbaugun yakmay ban am ankamin.

Tagfangguna 10:12

taw Sidun, taw Amalek, ay ngay taw Maun gina gfaidapan ayu, naet am gubuk sa angku ay nafalangfe au ayu.

Tagfangguna 3:13

Ay taw Amun ay taw Amalek nagubuk fun Eglun laman namawayan taw Israel, ay kanya fagayu nababo. Nu katanya, fun Eglun nagbilug furuan Eriku.

Tagfangguna 6:2

Ay kafag ngay taw Midyan maksvn nu gfaurianan ngay taw Israel, nu katanya, taw Israel nalagyu ay nanuksuan sa sangay buksul, ay sa sangay luib, ay sa tiba yak fagsuksuanan at masariu.

Tagfangguna 6:33

Ginanya, ngay taw Midyan, taw Amalek, ay anggan tibak taw tagsiginans fakamenitan baliwa ansadi laman namawayan ngay taw Israel. Kanya fagayu nadife Liskung Urdan ay anful sis datag Esreel.

Tagfangguna 6:4

Kafag ngay taw namaful sa sangay taw Israel at talun ay namauri ngay taw Israel at ngay fananumun sitsigons Gasa, ay nabul wan at ngay tupa, ngay baka, ay anggan at ngay asnu.

Tagfangguna 7:12

Ngay taw Midyan, taw Amalek, ay tiba yak kasugfunanan maful sis lod buksul sis fakamenitan baliwa, at kayuan kayu sliung. Ay at ngay kamelyu kayu slagnas sis tigyangan dagat.

Tagfangguna 8:10

Ginanya, Seba ay Salmuna sis Karkur gadgaloan at ngay tagfawayan at kinsawad fag labi limak libu. Ay at ngay tagfawayan at kinbul sadik sandan duak safuluk libu.