Santiagu 4:2 - Fanawbuid tagsibaliwas Fakayabian

² E fakaylatun am ay wam magbilug, nu katanya, gfabul am ay iba. E fagalabianun am ay wam magbilug, nu katanya, gawayan am ay gbadbaboan. Ay wam magbilug ay fakaylatun, aroro wam get sas Dius.

Santiagu 4:2 ပူးပေါင်းရင်းမြစ်များ

Uan 16:24

Dasug katsi yam e naet sa anya sa ku ngayan. Katsi eti ay mul wam fia, laman maksvn nu guseganan am.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Fangatulun 1:19

Katanya yangay ban takadasug sa sangay taw at ramraman nu siginan way at nafangkamul. Kanya ban fagayu umbul kata yangay at nafakamulun.

Abakuk 2:5

At matuyan, ngay ramraman wa mafanud. Ay fagayu taw takamatungudun ay tagfangalabian ramraman, kabavn gafanawa ay we fagmanabayanun. Kanya fagayu kata way sik takamabul yud kagwanta. Nu katanya, kanya fagayu gfangagbilug ngay talun.

Isayas 7:12

Ay Akas nabalus te, “Duan, kwa nanget fakatoglagan; kwa namaskud Yawi.”

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Santiagu 5:6

Nafaurianan am ay nafabul at matuyan fag ngay taw, kanya fagayu deyud gfawayan ayu.

1 Uan 3:15

Nusnga sinu takauri at faduksay, kanya sik takamabul way, ay nasaful wam te, sik takamabul wa ban e leleg at yud e fakatabuan.

1 Fun 21:6

Akab nabalus te, “Nalong au sas Nabut te, gbayad au at tanuman wat ubas, ay kanya nu kaylat di, gbangsi au amasine yap kafag tanuman, ay kanya wa naylat.”