Sakaryas 9:3 - Fanawbuid tagsibaliwas Fakayabian

³ Ngay taw Tiru nawat sik alad daul at mogat, ay nafungsu ngayuk salapi ay gintu, kata nu nafabungsud daga.

Sakaryas 9:3 ပူးပေါင်းရင်းမြစ်များ

2 Samwel 24:7

Sanya ginan, kanya fagayu nananginsaful yangay sat maaladan fag furuan Tiru, ay nataglayun sa sangay taw Kib ay taw Kanaan at ngay furuan, ay taguyan kanya fagayu nasas Beerseba sas talun Uda at fakayabian.

1 Fun 10:21

Fun Sulumun at taya fagayu mawatan siginans gintu ay fagayu fagagbilugun tagsit bale at nafangayan te, Araw Lebanun, mawatan yangay siginans gintu. Ay fagayu we mawatan siginans sanbung salapi, aroro salapi wa bangan mafanud gina fun Sulumun gfunan.

1 Fun 10:27

Ay gina Sulumun gfunan, ngay salapi sis Erusalem at kamafanudan kata way lang ngay gang, ay ngay kayu sidru ngayu kata ngay almuyu tagsis fun buksul.

Ub 22:24

Lag o kesug am ngay ramraman; tuyani te, at kamafanudan kata way ngay lagnas ay gang sis liskung.

Ub 27:16

At mauri fag taw dewa nafungsu ngayuk salapi ay dewa ngayu at lanbung,

Ub 3:15

Satu ro manabayan kwan kata ngay funan at nafapnu sat ngay bale gintu ay sanbung salapi.

Isayas 23:11

Yawi nafalugde at take sas dagat baliwa ay nauig wan fagayu at fagfagtainanan. Ay nasugu te, rasrasi wan Kanaan at fagnangakbangan fag furuan.

Isayas 23:8

Sinu at nafalganan takatanya sas Tiru? Kafag furuan at naago tibak furuan, ay at ngay tagfaebayad takadungug sas fagdaul daga.

Esekyel 26:12

Ay kanya ban fagayu gago siginan ayu ay ngay ramraman ay ay ngay famaloun. Ay giklas yangay ban ay ngay alad gang ay anggan ay ngay bale at masine ayu daul. Ay kanya ban fagayu gukas wan sas dagat at sawad at nagiklasan fag ngay gang ay fag ngay kayu.

Esekyel 27:27

Ay gina ban o karasras, fagayu am fagagbilugun kalubgub wan: am ngay ramraman ay famaloun ban, ngay tagfakamulun ay tagfalao sakayan lino, ay ngay takawat sakayan lino, anggan am ngay tagfalao am famaloun, ay fagayu am tagfawayan.

Esekyel 27:33

Nasakay o sas sakayan lino gasfuan am ngay famaloun ay ngayuk talun at nauseganan nu nalag am ngay ramraman. Nafaramraman o ngay fun ste swa daga siginan am ngay famaloun.

Esekyel 27:34

Dewa katanya katsi, anlubgub wo sis fagngabasadan dagat, gasfuan am ngay famaloun ay am ngay tagfakamulun sis sakayan lino.

Esekyel 28:1

Yawi nalong sa angku te,

Amus 1:9

Katatuy Yawi at longan sabaliwas furuan Tiru: “Ngay taw Tiru gfataglayun way gugat nu gasalanan, nu katanya, namaurianan kban anya fagayu. Kanya fagayu nafaebayad ku ngay taw sas Edum laman at ngay fagsuguan, ay wa nafaning at nasadian laman sik ngay tagfaduksayan

Uswe 19:29

Ay at fatuan kabaraud sabaliwas Rama ay maaladan fag furuan Tiru, ay gtaglayun sas Kusa, sitsigons Dagat Mediteranyu munakbang sis Aksib,